E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vijuar hetimet ndaj shtetases Beli...

Jemin Gjana e pranon publikisht/ Kryesia e PD-së është jo legjitime

25 Janar 2019, 13:50, Aktualitet CNA

Jemin Gjana është kthyer në avokatin e manipulimeve dhe skandaleve që ndodhin syrtarisht në Republikën e Re të Lulzim Bashës. Nga inati, paaftësia apo pavetëdija edhe kur duan të mbulojnë turpin që kanë bërë, pa dashje në atë që thonë pranojnë dhe vërtetojnë gjithçka që është thënë në opinionin publik.

Ish-nënkryetarja e PD, Jozefina Topalli në një dalje të saj publike tha se kryesia e PD nuk ka legjitimitet, pasi më i votuari për antar kryesie, në Këshillin Kombëtar ka marrë më pak se 50% të votave.

Në fakt, kjo që thotë Topalli është e vërtetë, dhe e konfirmuar, pasi anëtarët e kryesisë janë edhe me 25-30% të votave dhe ka fakte të pakontestueshme, të thëna publikisht nga persona pjesëmarrës në sallë se kandidatëve të caktuar u janë shtuar vota. Ka pasur ndryshim të listës dhe këtë nuk e fsheh dot as Jemin Gjana dhe askush tjetër. Ky është një fakt i pakontestueshëm, që e di edhe vetë Jemini, por i duhet të dalë e të flasë ndryshe se kështu i thotë corba e Lulit.

Nga ana tjetër, Jemin Gjana ka bërë një autogol. Pra, ka vërtetuar ilegjitimitetin e asaj që është zgjedhur si kryesia e re e PD-së, dhe ka vërtetuar këtë me krahasimin me kryesinë e 2005-ës.

Në vitin 2005, në bazë të dokumentave të nxjerra vetë nga Jemin Gjana, Këshilli Kombëtar ka pasur 100 veta të zgjedhur dhe në total rreth 130 anëtarë , nga të cilët kanë votuar rreth 110. I fundit anëtar kryesie është me 55 vota.

Pra, asnjë nga anëtarët e kryesisë së zgjedhur në vitin 2005, sipas dokumentave të publikuara nga vetë Jemin Mark Abdia i PD-së, nuk ka më pak se 50% të votave.

Ndërsa në zgjedhjet që shpalli Jemini dhe që zhvilloi Këshilli Kombëtar i Lulit, ka dy probleme.

Së pari, fillon me manipulimin e Këshillit Kombëtar dhe mospërputhjes së shifrave të zgjedhjes së Këshllit Kombëtar, nga Kuvendi Kombëtar i PD-së. Për këtë po sjellim në kujtesë linkun e mëposhtëm, ku Jemin Gjana me procesverbal shpall rezultatin e votimit, ku manipulimi dukej qartë në bazë të shifrave.

Nga ana tjetër mbledhja e Këshillit Kombëtar ka pasur rreth 335 votues, nga 360 të mundshëm. Më i votuari me rreth 160 vota, afër 50% është Tomor Alizoti, i vetmi, për të cilin është dhënë porosi nga Lulzim Basha për t’u votuar, ndërsa pas tij vjen Jorida Tabaku, fituesit e tjere me rreth 130 vota. . Pra, asnjë anëtar i zgjedhur nuk ka marrë 50% të votave, përjashtuar Tomor Alizoti dhe Jorida Tabaku.

Ka anëtar kryesie që kanë hyrë me 25% të votave, dhe janë cuar në 30-35% me shtim votash.

Në zgjedhjet e 2005-ës, bazuar vetëm në dokumentet që ka nxjerrë vetë Jemin Gjana, rezulton se nga 110 veta të votuar, i fundit ka hyrë me 55 vota. Pra, i fundit ka hyrë me 50%.

Edhe vetë shembullin që merr Jemini, që është rezultati më i shpërndarë, se mbi 60% e kryesisë ka mbi 50% të votave. Gjithë lidershipi ka marrë mbi 70 përqind të votave. Por, sot asnjë anëtar kryesie nuk ka të pakten 40% dhe nuk futen në votim nënkryetarët, Sekretari i Përgjithshëm, sekretarët siç bëhej atëherë.

Rezultati tregon mungesën e lidershipit dhe përçarjen e thellë edhe të atyre pak ushtarëve të Lulit. Përzënia dhe intriga janë psikozë e PD-së së sotme, për të hapur terren secili për vete dhe mbështetje të verbër për kryetarin.

Jemin Gjana me dokumentet e nxjerra nuk ka bërë gjë tjetër veçse ka pranuar dhe vërtetuar publikisht akuzat e bëra nga media e Jozefina Topalli, se kryesia e shpallur nga Mark Abdia i PD-së është jo legjititime.

Ilegjitimiteti i saj fillon nga zgjedhja e anëtarëve me më pak se 50% të votave, nga manipulimi i votave për zgjedhjen e Këshillit Kombëtar, nga manipulimi i zgjedhjes së delegatëve që në bazën e PD-së dhe deri tek zgjedhja e Lulzim Bashës, që votat u vodhën masivisht, rezultati u trefishua, por Jemin Gjana e shpalli rezultatin sikur morën pjesë 60 mijë, nga 13 mijë e 500 vetë që votuan në atë kohë. Për këtë po risjellim në kujtesë edhe videot në Korçë apo në Vlorë ku Lulzim Basha u kap duke vjedhur votat e demokratëve.

Sot PD ka një kryesi jo legjitime dhe mungesë të theksuar përfaqësimi nga baza në qendër, elita e PD, ne rast se mund të quhet e tillë s’ka votë dhe mbeshtetje me gjithë shtesat e Jeminit me apo pa zinjxhir floriri në qafë. CNA.al

Skandal-dokumenti/ Si u manipulua votimi dhe listat e Këshillit Kombëtar të PD-së

Video-Ekskluzive/Skandali-Si u manipuluan votat në Korçë për Lulzim Bashën

PROCESI-VIDEO/ Ja si u falsifikuan votat në Vlorë, monitorimi prej 11 orësh