web counter
LEXO PA REKLAMA!

SHKARKO APP

App Store
Google Play

90 pika me rrezik për aksidente rrugore/ Ekspertët kërkojnë ndërhyrje për sinjalistikën

30 Gusht 2021, 16:01, Aktualitet CNA

Aksidentet në vend po ndodhin ditë pas dite. Krahas papërgjegjshmërisë së drejtuesve të mjeteve që mbetet shkaku kryesor, në jo pak raste shkak bëhet edhe rruga pa standarde.

Euronews Albania sjell hartën e akseve të rrezikshme, ndërsa ekspertët kërkojnë ndërhyrje për sinjalistikën.

Mbi 900 ngjarje me 140 viktima është bilanci i aksidenteve rrugore për 2021-n, ende pa u mbyllur muaji gusht. Burime nga policia i thanë Euronews Albania se në rrugët e vendit evidentohen aktualisht rreth 90 njolla të zeza, sipas parimit ?një aks rrugor prej 100 metrash ku gjatë 3 viteve të fundit kanë ndodhur 3 ose më shumë aksidente me vdekje?.

Në këtë listë janë edhe akset problematike sa u takon standardeve të rrugës.

Nga veriu në jug, Euronews Albania sjell disa prej pikave të rrezikut ku ndodhin më shumë aksidente, si aksi Milot-Lezhë i cilësuar si ?rruga e vdekjes?, kryqëzimi i Laknasit në rrugën e Rinasit, apo rreth-rrotullimi i Kolonjës në aksin Lushnjë-Fier.

?Pikat e zeza janë shtuar kohët e fundit, pikat e zeza shtohen edhe kur një pemë mbulon një sinjalistikë apo sinjalistika nuk është e vendosur siç duhet dhe nuk i jep drejtuesit të mjetit informacionin në kohën e duhur. Duhen bërë vizimet horizontale, nuk përputhen me sinjalistikën vertikale, duke i çorientuar drejtuesit e mjeteve?, u shpreh Mamir Hodo, ekspert i sigurisë rrugore.

Eksperti Hodo sugjeron shtimin e orëve të teorisë dhe praktikës në autoshkolla.

?Sigurinë rrugore do na e sjellë qytetaria e njerëzve, përgatitja e drejtuesve të mjeteve në autoshkolla ?, u shpreh Hodo.

Pak kohë më parë policia rrugore ashpërsoi gjobat duke ndërhyrë në kodin rrugor por efektet duken larg./euronews





Lajmet e fundit nga