E fundit!

14:51 Aktualitet

Video- Pas më shumë se 5 orësh, Igli Tare del nga SPAK-u

Ish-futbollisti i Kombëtares shqiptare të futbollit, Igli ...

Qazim Sejdini, “Kandidati” i vdekur i Ben Blushit

5 Tetor 2017, 09:57, Aktualitet CNA

Në librin e tij ?Kandidati?, politikani dhe shkrimtari Ben Blushi dy vite më parë sillte një situatë politike, në një qytet ku zgjidhet kryetar bashkie një kandidat i vdekur, i cili ishte ndarë nga jeta në prag të fushatës elektorale.

Blushi me mjeshtërinë e penës së tij tregon sesi mund të zgjidhet kryetar bashkie një kandidat i vdekur, si mund të zhvillohej nje fushatë elekotrale, kush ishte vetë kandidati dhe familjarët e tij.

Në atë kohë nga mediat u interpretua se libri i Blushit si personazh kishte kryebashkiakun e Elbasanit, Qazim Sejdini, qytet ku Blushi kishte udhëhequr fushatën elektorale të 2013 për Partinë Socialiste.

Dje në mbrëmje ish-kryeministri Berisha nëpërmjet një postimi në rrjetet sociale shkruante se Qzim Sejdinit i ishte dërguar një arkivol në shtëpi.

?Qyteti gumezhine se Don Lales klani tjeter mafioz i ka derguar arkivol ne shtepi??-shkruante dje në mbrëmje në rrjetet sociale Sali Berisha.

Blushi flet për kandidat të vdekur, ndërsa Berisha tregon arkivolin që i është dërguar Qazim Sejdinit, duke çuar më tej fikshenin e Ben Blushit. Një libër që Ben Blushi e shkruajti për një kandidat të vdekur, por sot ajo që po ndodh në Elbasan ka brenda shumë nga ato që ka shkruar dhe parashikuar Ben Blushi në romanin e tij.

Ndoshta është koha për ta lexuar dhe rilexuar sepse ?kandidati? i Ben Blushit është libri më aktual dhe po jetohet në politikën shqiptare.

Dy vite me parë Blushi publikoi librin e tij ?Kandidati?, i cili flet për një kandidat të vdekur, që fitoi zgjedhjet.

Kandidati quhet Kadim Sedini dhe konkurron për kryetar Bashkie në qytetin e Basenit. Por ajo me të cilën surprizoi libri i Blushit është se lexuesit do të gjejnë aty ngjashmëri me shumë nga personazhet realë të jetës politike dhe gazetarisë së sotme.

Në subjektin e Blushit, zgjedhjet në Basen marrin një kthesë të papritur për shkak të rihapjes së historisë së një kolaboracionisti të pushtimit gjerman, gjatë Luftës së Dytë Botërore, e cila përdoret si justifikim për të shkaktuar rrëmujë dhe trazira në qytet.

Disa fraza nga romani ?Kandidati? i Ben Blushit:

Baseni ishte një grumbull njerëzish që jetonin buzë rrugës me shpresën se uji i përroit do t?ua pastronte këmbët. Këtë fjali e kisha dëgjuar shpesh nga gjyshja ime, që nuk e di pse e përçmonte këtë qytet ku gjyshi im kishte lindur. Diku afër shtëpisë së Nef Nosit ishte shtëpia e tij. Ai kishte ikur para Luftës dhe pothuajse nuk kishte ardhur më përveçse në raste vdekjesh

Motrat e tij e kishin shitur shtëpinë dhe unë nuk kisha asnjë dëshirë për ta parë. Edhe unë isha një kalajs.

Kur dëgjoja Zeron që thoshte se kalajsit mendojnë se bota ka vetëm dy qenie, kalajs dhe të tjerë, me duket sikur shihja tim atë. Ai kishte një përçmim për shqiptarët që ndoshta ma kishte ngjitur dhe mua.

Fryu një erë e ngrohtë dhe në ajër u ngritën disa copa letre. Rruga ishte e mbushur me hedhurina. Edhe sikur të rrija aty një orë, ndoshta asnjë makinë pastrimi nuk do të dukej. Nga periferia kundërmonte dufma e rëndë e plehrave, që digjeshin çdo natë, ndërsa përmbytjet e çdo pranvere e kthenin qytetin në një vaskë me ujëra të ndotura.

Si e kanë votuar Kadim Sedinin tri herë rresht, mendova. Nëse do të jetoja aty s?do të mund ta votoja kurrë. Ai njeri përfaqësonte gjithë përtacinë e shekujve që kishin kaluar mbi qytet. Por me sa duket Kadim Sedini nuk e kishte fuqinë te punët e mira. Ai kishte qenë një zanatçi elektoral.

Zbulohet çifuti pas fushatës së Kadim Sedinit.

Me siguri shumë njerëz kanë pyetur veten pse zgjedhjet për bashkinë e Basenit u kthyen papritur në një eveniment kombëtar.

Ky qytet ka një traditë të vakët fushatash elektorale dhe për këtë shkak atje nuk mbahet mend që të jetë regjistruar ndonjë incident gjatë zgjedhjeve të fundit. Kandidatët për kryetar të Basenit kanë qenë përgjithësisht, burra të shtruar dhe pavarësisht rezultatit janë ndarë gjithnjë në paqe. Aq e fortë ka qenë kjo traditë mirëkuptimi, saqë edhe rikandidimi pas vdekjes i Kadim Sedinit nuk shërbeu si fitil për të ndezur fushatën./ CityNews