web counter
LEXO PA REKLAMA!

SHKARKO APP

App Store
Google Play

E fundit!

x

Ilaçe dhe ushqime të skaduara në burgje/ KLSH zbulon skandalin

28 Gusht 2021, 13:06, Aktualitet CNA

Kontrolli i Lartë i Shtetit (KLSH) ka kërkuar shkarkimin e Drejtorit të Përgjithshëm të Burgjeve, Agim Ismaili, dhe tre zyrtarëve të tjerë.

Sipas konstatimit të KLSH, këta zyrtarë kanë abuzuar me tenderin e ushqimeve dhe ilaçeve të skaduara në burgje, duke furnizuar me barna të skaduara të burgosurit.

KLSH-ja i kërkuar prokurorisë hetimin e çështjes, ndërsa Ministrisë së Drejtësisë, shkarkimin e 4 zyrtarëve.

?I rekomandojmë Ministrit të Drejtësisë si institucion epror, referuar shkeljeve të konstatuara në fushën e prokurorimeve publike dhe menaxhimit financiar si dhe përgjegjësive individuale të evidentuara dhe pasqyruar në aktkonstatimet përkatëse dhe pjesës së raportit Përfundimtar të Auditimit, të vlerësojë shkeljet e konstatuara dhe të vendosë marrjen e masave disiplinore largim nga puna për:

z.Agim Ismali, Drejtor i Përgjithshëm i Burgjeve

zj.Avidiana Pali, Drejtor i Financës

z.Ardit Tabaku Drejtor Juridik

z.Arjan Koçiaj në cilësinë e anëtarit të KVO

KLSH-ja ka gjetur shkelje gjatë një auditimi bërë në burgjet shqiptare, konkretisht në tenderin e ushqimeve dhe ilaçeve të skaduara, konkretisht me vlera 2.3 dhe 1.8 milionë lekësh, por deri më tani Prokuroria vazhdon të heshtë, pavarësisht se kanë kaluar 20 ditë nga dorëzimi i raportit KLSH i kërkon Ministrisë së Drejtësisë që të ngrejë një grup pune për të analizuar shkaqet dhe mangësitë që kanë çuar në këto problematika të këtyre tenderëve, si dhe marrjen e masave të personave përgjegjës./ CNA.al





Lajmet e fundit nga