web counter
LEXO PA REKLAMA!

SHKARKO APP

App Store
Google Play

E fundit!

x

Ndahet nga jeta ish-kryeparlamentari i Kosovës

29 Gusht 2021, 09:28, Aktualitet CNA

Është ndarë nga jeta në moshën 73-vjeçare ish-kryeparlamentari i Kosovës, Kolë Berisha.

Lajmi është bërë me dije nga djali i tij, Visar Berisha përmes një postimi në rrjetet sociale, ndërsa bën me dije se ai ndërroi jetë si pasojë e një sëmundjeje të rëndë.

?Sot herët në mëngjes na la Kolë shoqi!

Mas një sëmundje të randë e kahemotshme, i mësuem mos m?u dorezu, sot baba pranoj burrnisht me iu dorezue Hyjit në jetën e pasosun. Ma shumë se dhimtë, kam një ndjenje çlirimi për trupin e tij, që ka vuajtur kaq shumë në heshtje e pervujtshem.

Për shkak të situatës së randë epidemiologjike dhe masave që prej sot janë në fuqi, nuk do te mund të organizojmë të pame për babën. Nesër, me 30.08.2021 në orën 11, ne Katedralen ?Nënë Tereza? ne Prishtinë do të celebrohet Mesha e Dritës për babën, kurse në orën 13 do të jetë vorrimi me rrethin e ngushte familjar në vorrezat e qytetit të Prishtinës.

E di, që shumë prej jush doni me qenë nga afër pjesë e dhimtës tonë, por shëndeti i juaj dhe të gjithë të tjerëve ka me shumë rëndësi. Kujtojeni babën në lutje, prej aty ku jeni. Ngushllimet i pranojmë nëpërmjet telefonit?, shkruan Visar Berisha.

Kolë Berisha ishte Kryetar i Kuvendit të Kosovës nga marsi 2006 deri në 2007, gjithashtu edhe nënkryetar i Lidhjes Demokratike të Kosovës. Ai ishte gjithashtu edhe i burgosur politik, e ish anëtar i ekipit negociator për zgjidhjen e statusit të Kosovës.





Lajmet e fundit nga