E fundit!

21:59 Politikë

Zgjedhja e strukturave drejtuese të PD-së/ Nis numërimi i votave në selinë blu

Ka nisur procesi i numërimit të votave për zgjedhjen e str...

Iku Mark Marku, por nuk ikën Gjekmarku

27 Gusht 2021, 08:10, Politikë CNA

Sot mediat raportuan se Mark Marku profesor i Universitetit të Tiranës, një nga zërat intelektualë opozitarë, kishte dhënë dorëheqjen nga mandati i deputetit dhe në një analizë të tij në një të përditshme, kishte drejtuar gishtin nga Basha dhe Berisha për tradhtinë ndaj demokratëve.

Profesori i cili u përfshi në disa procese nuk është hera e parë që mbante një qendrim të ashpër kundër kreut të PD, por edhe ndaj vetë Sali Berishës.

Së pari Mark Marku gjatë kohës kur ka qenë deputet nga viti 2009 deri në vitin 2013 ka pasur përplasje të forta me kryeministrin e atëhershëm, Sali Berisha dhe në disa qëndrime të tij ka pasur edhe debate pasi ka abstenuar dhe ka votuar hapur kundër linjës politike në parlament. Më pas ai u hoq nga lista.

Ishte Lulzim Basha që e ktheu Mark Markun prap në lojën politike duke e vendosur në komisionin e tij, i cili në fakt i dha profesorit një farë konflikt interesi të pastër pasi ishte ai që skualifikoi emra nga gara dhe më pas me postin e drejtuesit të një grupi që kontrollonte cilësinë e figurave kandidoi në Lezhë.

Menjëherë pas përfundimit të zgjedhjeve Mark Marku në një fjalim të fortë në Kuvendin e PD theksoi se nuk do të pranonte qasjet që kishte Basha dhe Berisha ndaj demokratëve dhe ndaj sjelljeve të tyre publike apo argumentave politike.

Sot e bëri fakt të kryer, tani nuk ngelet gjë tjetër thjesht dhe vetëm atë që ndodh zakonisht me njerëzit që kritikojnë Lulzim Bashën.

Pra sulmi që pritet të vijë nga call centeri i PD, kunati dhe dhe të tjerët do fillojnë të sulmojnë, ta akuzojnë tradhtar, armik, i shitur tek Rama e të tjera si këto, ashtu sic ka ndodhur në këto tetë vite opozitë ku PD është rrudhur dhe vetëm është rrudhur, ku i vetmi tradhtar nuk është Luli që është bashkëpunëtor direkt i Edi Ramës dhe më tej të presim e të dëgjojmë se çfarë terma do të dëgjojmë.

Termat do të jenë nga më të ndryshmet, iku Mark Marku por nuk ka ikur Gjekamrku është një argument tjetër.

Profesori tjetër i Universitetit të Tiranës, i cili përtej argumentave dhe gjakftohtësisë që përdor profesor Marku, ka një tjetër sjellje. Agron Gjekmarkaj është një tjetër pedagog i cili është simbol i servilizmit dhe i lëpirjes.

Dje kritik ndaj Lulzim Bashës dhe ngrinte në qiell Ramën në momente të caktuara për interesa të caktuara. Me vendosjen në listë të emrit të tij, tashmë ka filluar është bërë një ?lëpirje? e pandalshme e Lulzim Bashës, por në listë është vendosur nga Mark Marku.

Ikën Mark Marku por nuk ikën Gjekmarku, ky është dhe problemi që ka PD sot. Ky është thelbi i opozitës sot, i ikin kapacitetet, i ikin njerëzit me integritet dhe aty ngelen vasalët e çuar nga të tretë të cilët ngjiten pas kryetarit dhe duan të mbajnë lart flamujt e kongreseve dhe fitoreve të Lulzim Bashës./CNA.al

Mark Marku braktis Bashën/ Jep dorëheqjen si deputet: Demokratët u tradhëtuan

Mark Marku kundër Bashës/ Ti parashikove humbjen

?Deputetët janë kukulla?/ Mark Marku tregon çfarë ndodh në Kuvend

?PD duhet riformatuar?/ Mark Marku: Ja gabimi që na kushtoi shumë gjatë fushatës

Agron Gjekmarkaj i mban ?ison? Lulzim Bashës