web counter
LEXO PA REKLAMA!

SHKARKO APP

App Store
Google Play

Shpejtësi marramendëse dhe alkool/ Policia gjobit mijëra drejtues mjetesh

26 Gusht 2021, 13:53, Aktualitet CNA

Policia e Shtetit ka vijuar kontrollet në të gjitha akset rrugore të vendit, për parandalimin e aksidenteve rrugore.

Gjatë 24 orëve të fundit,  është bërë e ditur se në të gjithë vendin janë konstatuar shpejtësi që arrijnë deri në 174 km/h dhe drejtues mjetesh që drejtojnë mjetin nën efektin e alkoolit apo në gjendje të dehur.

Si rezultat i kontrolleve janë arrestuar 7 shtetas, nga të cilët 4 për drejtim mjeti në gjendje të dehur dhe 3 për drejtim mjeti pa leje drejtimi. Gjithashtu janë pezulluar 43 leje drejtimi, nga të cilat 29 për shpejtësi deri në dyfish mbi normën e lejuar dhe 14 për drejtim mjeti nën ndikimin e alkoolit. Po ashtu janë ndëshkuar me masë administrative, 1 mijë e 495 drejtues mjetesh, për shkelje që përbëjnë rrezik për përfshirje në ngjarje rrugore.

Kontrolle të pandërprera në të gjitha rrugët e vendit, për parandalimin e aksidenteve rrugore.

?Policia e Shtetit, nisur edhe nga fakti i prezencës së lagështirës në rrugë, apelon për të gjithë drejtuesit e automjeteve dhe motomjeteve, që të bëjnë kujdes dhe të respektojnë në maksimum rregullat e qarkullimit rrugor?, thuhet në njoftim.

Policia ka rritur akoma më shumë prezencën në akset rrugore dhe qendrat e banuara, duke kombinuar shërbimet e Policisë Rrugore me Patrullat e Përgjithshme dhe ?Shqiponjat?, për të vijuar kontrollet intensive, me qëllim parandalimin e aksidenteve rrugore dhe rritjen e parametrave të sigurisë së jetës në rrugë./ CNA.al





Lajmet e fundit nga