web counter
LEXO PA REKLAMA!

SHKARKO APP

App Store
Google Play

E fundit!

x

Përmbyllja e mandatit të dytë të qeverisjes/ Rama: Krenar që ia dolëm në këtë luftë

25 Gusht 2021, 10:21, Politikë CNA

Kryeministri Edi Rama po zhvillon një konferencë për mediat, për të folur për përmbylljen e mandatit të dytë të qeverisjes.

Rama u shpreh se ndihet krenar që me shumë përkushtim në qeverisjen e tij arritën të përballonin tërmetin dhe pandeminë.

?Mbyllet me një notë pozitive besoj unë puna e një mandati të vështirë ku tërmeti dhe pandemia diktuan një forcë të pashembullt ndryshimi e prioriteteve tona qeverisës.

Ia dolëm që të përballonim me përkushtim tërmetin dhe pandeminë. Jam krenar që ia dolëm në këtë luftë me të cilën qeveritë përplasen një herë në 100 vjet.

Përtej çdo konsiderate apo kritike për mënyrën se si e kemi menaxhuar situatë,  kjo do jetë një gjurmë e pashlyeshme?, është shprehur ndër të tjera Rama.

Gjithashtu kryeministri, ka bërë apel të gjithë qytetarëve që të vaskinohen, pasi nëse Shqipëria është sot një nga vendet më të mbrojtura të rajonit, është pikërisht për numrin e lartë të vaksinimit.

“Vaksina nuk i mbron të gjithë nga infektimi por është e qartë se ai që është vaksinuar mund të kalojë sëmundjen pa rrezik fatal për jetën.

Prandaj vaksinohuni , vaksinohuni. Numrat po rriten dhe nëse sot jemi më të mbrojtur ndryshe nga vendet e tjera të rajonit është se kemi numër të madh vaskinimesh“, tha Rama./ CNA.al





Lajmet e fundit nga