E fundit!

18:56 Aktualitet

Protestuesit në refren kërkojnë largimin e Ramës: Duam dorëheqjen

Protestuesit janë vendosur para Kryeministrisë ku në refre...

Mesazh nga Jala/ LSI me Petrit Vasilin do ta bëjë Shqipërinë shtëpinë e të rinjve!

24 Gusht 2021, 12:08, Politikë CNA

Erisa Xhixho, nënkryetarja që do të jetë edhe deputete e LSI-së për herë të parë e zgjedhur si e renditura e dyta në listën e Tiranës, e ka cilësuar Petrit Vasilin ?njeriun më luftarak të LSI-së”, duke e ftuar të merrte fjalën në takimin e LRI-së në Jalë, një përpjekje qesharake për të krijuar idenë e rreme se LSI është ende e gjallë e pa dhënë akoma shpirt.

Pas dështimit në zgjedhjet e 25 prillit, LSI nuk ka më as mundësinë që të krijojë grupin e saj parlamentar, nëse nuk i japin ndonjë deputet borxh.

E rrënuar dhe e papërfillur më prej askujt, me njerëzit që e braktisin dita-ditës dhe me një kryetare me nivel intelektual nën nivelin e injrancës politike në Shqipëri, e cila do të mbahet mend për çizmen që i hodhi Edi Ramës dhe për të sharat që shpërndante për të Ilir Meta mejhaneve ku pihej e bëhej tapë, LSI është sot dëshmi e një realiteti të parathënë katër vjet më parë prej Edi Ramës kur i drejtohej Ilir Metës me fjalët ? Ilir, do të ikesh nga President, por nuk do ta gjesh më partinë!?

Ajo ka mbetur vetëm e mishërruar tek shëmbëlltyra e lodhur dhe e sakatosur e një çalamani si Petrit Vasilit, të cilin edhe Ilir Meta e përdor thjeshtë si instrument jashtëqitjeje për toksinat e veta. Pasi e ndërsen kundër Edi Ramës dhe ambasadores amerikane në Shqipëri, Meta e thërret Titin e tij në Presidencë ku e fyen dhe e poshtëron aq sa qeshet e gjithë presidenca me skenat që krijohen, dhe pastaj e përzë prapë e i thotë shko e vazhdo lehjet e tua.

Dhe Petriti, ashtu çalë-çalë, merr udhë e shkon t?ia bëjë qefin Presidentit te tij duke e lënë këtë të fundit nën shoqërinë e veçantë të shoqëruesit të parë të misit, Ramazan Topuzit apo Zanit siç e ka nofkën përkëdhelëse, me të cilin hanë bashkë misra të pjekur dhe dëgjojnë këngën

? Flokët e tua kaçurrela,

dredha-dredha me kordela,

në dashni rash sa ti preka,

aji, aji sa ti preka?.

Ata pak të rinj të LRI-së të mbledhur në Jalë janë ndjerë të zhgënjyer e të fyer teksa kanë parë që e ardhmja e tyre të ketë konturin e portretit të Petrit Vasilit, njeriut më pak të votuar të LSI-së në të gjithë Shqipërinë.

65-vjeçari i LSI-së me 362 votat e tij do të jetë përfaqësuesi më i pavotuar, por i emëruar nga kryetarja për të qene deputeti i LSI-së, ndërkohë që po kjo kryetare bënte be e rrufe se LSI e saj është parti e të rinjve dhe e të ardhmes për ta bërë Shqipërinë shtëpinë e të rinjve.

Kjo po që është e sigurtë; Petrit Vasili, njeriu më luftarak i LSI-së është përfaqësuesi më domethënes dhe më legjitim për të qenë te bindur se LSI është parti e të rinjve.

Lolokryetari që e vunë dhe e hoqën sapo e vunë për ta bërë LSI-në forcë të parë – forcë të paparë, tani do të jetë edhe lolodeputet për ta bërë LSI-në forcën përfaqësuese të rinisë shqiptare./CNA.al