web counter
LEXO PA REKLAMA!

SHKARKO APP

App Store
Google Play

Akulloret me përmbajtje kancerogjene/ PD akuza qeverisë dhe AKU: Korrupsion masiv në institucion

23 Gusht 2021, 16:55, Politikë CNA

Agjencia e Kontrolli dhe Ushqimit ka sekuestruar një sasi të madhe akulloresh për të cilat është dhënë alarmi ndërkombëtarisht se duhet të hiqen nga tregu.

Pas njoftimit të AKU, ka reaguar Partia Demokratike e cila shprehet se AKU ka reaguar me vonesë ndaj kësaj situate.

Dhurata Çupi, është shprehur se e gjitha kjo ka ndodhur për shkak të korrupsionit masiv që ndodhte nëpër institucione.

Në deklaratën e saj, Çupoi thotë se kjo ishte një situatë e paralajmëruar javë më parë nga BE.

Çupi akuzon se emërimet politike jo profesionale dhe praktikat korruptive të inspektimeve për sy e faqe kanë sjellë pasoja të rënda për shëndetin e qytetarëve.

“Korrupsioni masiv në veprimtarinë e Autoritetit Kombëtar të Ushqimit ka sjellë pasoja të rënda për shëndetin e popullsisë. Plot 11. 7 ton akullore me përmbajtje kancerogjene (oksid etileni në stabilizuesin lygomme) janë konsumuar nga fëmijët e të rriturit në muajt e fundit në Shqipëri. Alarmi për akulloret u dha disa javë më parë nga BE pasi kompania prodhuese kishte konstatuar përmbajtjen kancerogjene në disa prej produktet e saj duke njoftuar tërheqjen nga tregjet e Bashkimit Europian. Qeveria, AKU reagoi me vonesë ndaj kësaj situate duke bërë që produktet e rrezikshme të futeshin në vend, dhe një pjesë e mirë e tyre të konsumohen.

Po ashtu, një investigim i Qendrës “Alert” përmes 5 kampionëve të ndryshme në Tiranë ka zbuluar se akullore artizanale rezultojnë me eneterobaktere dhe stafilokok, deri në 10 herë më shume sesa normat e lejuara. Ndryshimet e shpeshta të drejtorëve gjobvënës të AKU, emërimet politike jo profesionale, praktikat korruptive të inspektimeve për sy e faqe, kanë sjellë në këtë situatë të frikshme për familjet. Nuk kanë siguri për konsumimin e produkteve.  Siguria ushqimore, në kushtet e importit të lartë të produkteve, është parësore“, tha Çupi./ CNA.al





Lajmet e fundit nga