web counter
LEXO PA REKLAMA!

SHKARKO APP

App Store
Google Play

E fundit!

x

Mehmeti sulmon Ramën/ “Piktorin mund ta bësh burrështetas aq sa prostitutën shtëpiare”

24 Gusht 2021, 19:15, Politikë CNA

Analisti Kim Mehmeti, ka bërë një tjetër shkrim kundër kryeministrit Edi Rama, të cilin ai e konsideron si përfaqësues të një klase të paskrupullt intelektualësh.

?Piktorin mund ta bësh burrështetas aq sa prostitutën shtëpiare?, shkruan Mehmeti në rrjetet sociale.

Gjithë kritika e tij bazohet në festivalin e Festës së Birrës në Korçë, ku sipas tij ardhja e Bregoviçit ishte diçka e papërshtatshme.

Më në fund korçarët e realizuan ëndrrën e tyre të madhe që të pinë birrë duke dëgjuar muzikë serbe. Edhe atë nga një këngëtar që ka në xhep çelësin e kryeqendrës së shqiptarisë ? atë të Tiranës. E në ndërkohë kryeministri i Shqipërisë vazhdon të na bindë se të gjithë ata që e kundërshtuan ardhjen e këngëtarit serb në Korçë, janë fashistë si dhe, sa nuk tha se patriotizmi shqiptarë është primitivizëm i barabartë me shovinizmin serb. 

Me çka del puna se ai paguhet që t?i mbrojë serbët nga ?shovinizmi? ynë, e jo shqiptarin nga urrejtja serbe. Sidoqoftë duhet thënë: ardhja e këngëtarit serb në Korçë tregoi sa e paskrupullt është shtresa shqiptare, të cilën e polli epoka enveriste, e që beson se s?mund to bëhesh kozmopolit nëse je patriot e nacionalist?!

Pra sa të pafytyrë janë ata që në një farë mënyre ndjehen keq në lëkurën e shqiptarit dhe të cilët bëjnë çmos të jenë sa më të pëlqyer nga serbët.

Dhe Piktori, si përfaqësues i kësaj klase ?intelektualësh? e politikanësh, do vazhdojë të ne bind se civilizimi  ynë është proporcional me atë sa nuk ndjehemi shqiptarë dhe sa e pëlqejmë ?turbo-follkun? serb. Pa dyshim se këngëtari serb, që i zbaviti i të dehurit nga birra, nuk është simboli i shovinizmit serb. Njësoj siç nuk është Piktori përfaqësues i tradhtarëve të shqiptarisë.

Por ish- lideri i grupit ?Bjello Dugme? është përfaqësues i gjeneratës që e vuan rrënimin e ish Jugosllavisë antishqiptare dhe që, mbrojtjen e saj me të gjitha mjetet, e konsideronin si diçka legjitime.

Njësoj pra siç është Piktori përfaqësues i  gjeneratës e cila me mall e rikujton kohën kur nuk vlerësoheshe me atë sa je nacionalistë e patriot shqiptarë, por sa je pa fizionomi etnike si dhe, sa je i gatshëm që identitetin tëndë kombëtar ta flijosh për të mirën e nënës parti dhe për realizimin e idesë për bashkimin e proletariatit botëror.

Po pra, ata që i kishte marrë malli për ?tallavanë serbe?,  e realizuan dëshirën e vet. Me çka e dëshmuan edhe besnikërinë ndaj  ?prijësi? të tyre, ndaj atij që vite me parë, mysafirit të sotëm serb, ia dha çelësin e Tiranës. Ndërkaq, pjesa tjetër e shqiptarisë, vazhdon ta përcjellë grindjen mes atyre që e kundërshtonin ardhjen e këngëtari serb dhe atyre që e mbronin atë.

Dhe nga muzika e zëshme serbe as që dëgjohet zëri i atyre që thonë se nuk është gjithaq me rëndësi se kush vjen e këndon mes nesh, por kujt ia kemi lënë në dorë Shqipërinë. Siç nuk dëgjohet as pyetja se si e prumë punën deri këtu që kryeministri i Shqipërisë, civilizimin dhe patriotizmin tonë ta vlerësojë nëpërmjet sjelljes sonë ndaj këngëtarëve serb?!

Sidoqoftë duhet pranuar se ?tallavanë serbe?, nuk e sollën mes nesh këngëtarët serb, por ?kozmopolitët? tanë që e morën në duar shqiptarinë. E të cilët i bëmë burrështetas ne që nuk e dinim se vështirë mund ta bësh shtëpiare të rriturën në ?shtëpi  publike?, apo atë që me vite ka qenë kurvë./ CNA.al





Lajmet e fundit nga