web counter
LEXO PA REKLAMA!

SHKARKO APP

App Store
Google Play

E fundit!

x

Talebanët drejt formimit të Qeverisë së re/ Kabuli në kaos

21 Gusht 2021, 12:29, Kosova & Bota CNA

Bashkëthemeluesi i talebanëve, Mullah Baradar, ka mbërritur në Kabul për të biseduar me udhëheqësit e tjerë për krijimin Qeverisë së re afgane. Kjo vjen pothuajse pas një jave kur militantët islamikë pushtuan kryeqytetin pa rezistencë.

Talebanët pushtuan në mënyrë të papritur të gjithë vendin ndërsa forcat e udhëhequra nga SHBA-ja u tërhoqën. Tashmë mijëra njerëz kanë mbërritur në aeroportin e Kabulit, me sigurinë që po përkeqësohet nga dita në ditë, ndërsa kombet perëndimore po përpiqen të rrisin ritmin e evakuimit të qytetarëve të saj dhe afganëve.

Zyrtari taleban tha se grupi planifikoi të përgatiste një model të ri për qeverisjen e Afganistanit brenda javëve të ardhshme, me ekipe të veçanta për të trajtuar çështjet e sigurisë së brendshme dhe financiare. “Ekspertë nga qeveria e mëparshme do të merren për menaxhimin e krizave,” ka thënë ai për Reuters.

“Struktura e re e qeverisë nuk do të ishte një demokraci sipas përcaktimeve perëndimore, por ajo do të mbronte të drejtat e të gjithëve”, ka shtuar zyrtari.

Talebanët, të cilët ndjekin një version ultra të ashpër të Islamit Suni, janë paraqitur më të moderuar që kur u kthyen në pushtet, duke thënë se ata duan paqe. Po ashtu ata kanë thënë se nuk do të hakmerren kundër armiqve të vjetër dhe do të respektojnë të drejtat e grave në kuadrin e ligjit islam.

Kujtojmë se kur ishin në pushtet nga 1996-2001, ata ndaluan gratë të punonin ose të dilnin jashtë pa veshur një burkë gjithëpërfshirëse. Gjithashtu ndaluan edhe fëmijët të shkonin në shkollë./CNA.al





Lajmet e fundit nga