web counter
LEXO PA REKLAMA!

SHKARKO APP

App Store
Google Play

E fundit!

x

SHBA-ja do të ofrojë doza përforcuese të vaksinave kundër Covid-19 në shtator

19 Gusht 2021, 07:37, Kosova & Bota CNA

Dozat përforcuese të vaksinës kundër Covid -19 do të bëhen të disponueshme gjerësisht për amerikanët duke filluar nga 20 shtatori. Lajmin  e kanë bërë të ditur zyrtarët amerikanë të shëndetësisë, duke cituar të dhëna që tregojnë një zvogëlim të mbrojtjes nga vaksinimet fillestare, ndërsa infeksionet po rriten nga varianti ?Delta?.

?Zyrtarët amerikanë do të ofrojnë një dozë të tretë për amerikanët që morën vaksinimin fillestar të vaksinave me dy doza Covid-19 të Modernës dhe Pfizerit Inc të paktën tetë muaj më parë?, ka  deklaruar Departamenti i Shëndetësisë dhe Shërbimeve Njerëzore.

“Është mënyra më e mirë për të mbrojtur veten nga variantet e reja që mund të shfaqen”, tha Presidenti amerikan Joe Biden gazetarëve në Shtëpinë e Bardhë.

“Kjo do t’ju bëjë më të sigurt për një kohë më gjatë. Do të ndihmojë në përfundimin më të shpejtë të kësaj pandemie”, shtoi Presidenti.

Ai tha se qeveria amerikane pret që të japë 100 milionë doza shtesë falas në rreth 80 mijë qendra në mbarë vendin.

Dozat përforcuese fillimisht do t’u jepen amerikanëve që morën vaksina me dy doza, por zyrtarët thanë se ata parashikojnë që personat që kanë marrë vaksinën Johnson & Johnson, të autorizuar në Shtetet e Bashkuara në shkurt, gjithashtu do të kenë nevojë për dozë përforcuese.

Dozat përforcuese, thanë zyrtarët, fillimisht do të përqëndrohen për punonjësit e kujdesit shëndetësor, banorët e shtëpive të pleqve dhe të moshuarit – ndër grupet e para që u vaksinuan në fund të vitit 2020 dhe në fillim të vitit 2021.

Lajmi u mbështet si nga kryetarja e Dhomës së Përfaqësuesve, Nancy Pelosi ashtu edhe nga udhëheqësi republikan i Senatit, Mitch McConnell, të cilët thanë se “absolutisht” planifikonin të merrnin një dozë të tretë.

Aksionet e kompanisë Pfizer u rritën rreth 1.65% në mesditë. Aksionet e Modernës ranë me rreth 2.8% ndërsa ato të J&J ranë 0.5%.

Ekzistojnë dëshmi në rritje se mbrojtja nga vaksinat COVID-19 zbehet pas gjashtë ose më shumë muajsh, veçanërisht tek njerëzit e moshuar me probleme të tjera shëndetësore. Zyrtarët e cituan këtë fakt në vendimin e tyre mbi dozat përforcuese, por theksuan se të dozat e autorizuara nga SHBA kanë rezultuar “jashtëzakonisht të efektshme” në zvogëlimin e rrezikut të sëmundjeve të rënda, shtrimeve në spital dhe vdekjeve nga COVID-19.

Shtetet e Bashkuara kryesojnë botën për nga rastet dhe vdekjet e raportuara nga Covid-19, me rreth 500 amerikanë që vdesin çdo ditë. Rastet e përditshme në SHBA u rritën nga më pak se 10 mijë në fillim të korrikut në më shumë se 150 mijë në gusht ndërsa varianti Delta filloi të përhapej.

Rastet e reja përfshijnë njerëz të vaksinuar, megjithëse ata kanë shumë më pak gjasa të përjetojnë simptoma të rënda ose vdekje sesa të pavaksinuarit.

Një studim i ri nga një kompani izraelite e kujdesit shëndetësor zbuloi se një dozë e tretë e vaksinës Pfizer/BioNTech është 86% efektive për njerëzit mbi moshën 60. Ajo pasoi një studim tjetër izraelit, që tregoi prova të dobësimit të imunitetit nga vaksinat COVID-19 në muajt pas vaksinimit.

Zyrtarët e Organizatës Botërore të Shëndetësisë pohojnë se dozat e vaksinave duhet së pari të shkojnë te njerëzit në vendet më të varfra të cilët ende nuk kanë marrë një vaksinim fillestar.





Lajmet e fundit nga