web counter
LEXO PA REKLAMA!

SHKARKO APP

App Store
Google Play

E fundit!

x

Studimi tronditës/ 65% e grave, viktima nga partnerët ose të afërmit

18 Gusht 2021, 13:18, Kosova & Bota CNA

Sipas një studimi të Konsorciumit Rus të Organizatave Joqeveritare të Grave, mbi dy të tretat e grave në Rusi, janë vrarë nga partnerët ose të afërmit e tyre gjatë dekadës së fundit.

Nga mbi 18 mijë gra të vrara në Rusi midis vitit 2011 dhe 2019, 9 mijë e 868 janë vrarë nga partnerët e tyre, duke përbërë 53% të të gjitha dënimeve për vrasje të disponueshme për publikun. Kjo sipas studimit të publikuar të mërkurën e 18 gushtit. Ndërkohë numri i grave të vrara në Evropë nga partnerët e tyre është 29%, në Afrikë 38%  dhe në Oqeani 42%.

2 mijë e 341 gra të tjera në Rusi, ose 13% e tyre, janë vrarë nga të afërmit e tyre.

?Shkalla prej 65.8% e vrasjeve nga të dashurit është mbi mesataren globale dhe e vendos Rusinë midis vendeve si Irani, Jemeni, Liberia dhe Emiratet e Bashkuara Arabe?, thuhet në studim.

“Hulumtimi ynë konfirmon hipotezën se vendi më i rrezikshëm për një grua në Rusi është në shtëpi,” kanë thënë autorët e studimit, të cilët përfshijnë gjithashtu avokatë dhe specialistë të tjerë që punojnë për të parandaluar dhunën në familje, sipas The Moscow Times.

Autorët e studimit i kanë bërë thirrje autoriteteve ruse të forcojnë legjislacionin kundër dhunës në familje dhe të rrisin mbrojtjen për viktimat e dhunës në familje.

Rusia në vitin 2017-të dekriminalizoi shkeljet e dhunës në familje për herë të parë, një veprim që aktivistët thonë se trimëron abuzuesit dhe nxit një kulturë mosndëshkimi./ CNA.al





Lajmet e fundit nga