web counter
LEXO PA REKLAMA!

SHKARKO APP

Vihet nën kotroll zjarri në Radhimë/ Flakët rrezikuan shtëpitë dhe bizneset

19 Gusht 2021, 17:55, Aktualitet CNA

Një zjarr i përmasave të mëdha ka rënë pasditën e sotme në Radhimë të Vlorës, pasi gjeneratori i energjisë elektrike ka bërë shkëndijë.

Pranë vatrës ka pasur edhe banesa e biznese, duke bërë që të rrezikoheshin.

Prefekti i Vlorës Flamur Mamaj ka bërë me dije se zjarri tashmë është vënë nën kontroll dhe është shmangur rreziku pranë banesave .

Ai thekson se aktive tani është vetëm vatra në kodër.

“Situata këtu në Radhimë është qetësuar. Zonat e rrezikut pranë hoteleve janë eliminuar, tani kemi vetëm vatrën sipër në kodër.Të menaxhosh zjarrin në zonat e banurar ka vështirësi. Falenderoj banorët që u angazhuan. Duhet mirëmenaxhuar situata.

Sot kemi patur defekt në një kabinë e cila ka lëshuar shëndijë në një terren të papërshtatshëm për tu ruajtur nga zjarri. Të ketë një ndërhyrje masive të gjerë në këtë zonë,  të bimësisë dhe ferrave pasi vazhdon të jetë  e rrezikshme si zonë pasi ka shumë mjete që lëvizin.”/CNA.al





Lajmet e fundit nga