web counter
LEXO PA REKLAMA!

SHKARKO APP

App Store
Google Play

Shpërndante kokainë dhe heroinë/ Kapet në flagrancë 21 vjeçari

19 Gusht 2021, 09:18, Aktualitet CNA

Policia e Durrësit ka vënë në pranga një 21 vjeçar me inicialet, F.K, i cili po shpërndante droga të forta, në doza të vogla.

Gjatë kontrollit policia ka sekuestruar doza lëndë narkotike të llojit heroinë, kokainë dhe një sasi vlere monetare e përfituar nga shitja e lëndës narkotike. Mësohet se 21 vjeçari ka qenë i dënuar më parë për veprimatri të tilla.

Forca e Posaçme “Shqiponjat” në bashkëpunim me strukturat e Hetimit të Narkotikëve në DVP Durrës, në vijim të kontrolleve për rritjen e parametrave të sigurisë në qytet, si dhe për parandalimin e veprimtarisë së paligjshme të shpërndarjes së lëndëve narkotike, në bazë të informacioneve të mara në rrugë operative, kanë ndaluar për kontroll në lagjen nr.5, Durrës, një automjet tip “Benz”, me drejtues shtetasin Fabio Karaboja.

Gjatë kontrollit të ushtruar ndaj shtetasit Fabio Karaboja, në çantën e dorës, iu gjetën 37 doza me lëndë narkotike heroinë, 26 doza me lëndë narkotike kokainë dhe një sasi vlere monetare prej 143.000 lekë të reja, të përfituara nga shitja e lëndës narkotike, të cilat u sekuestruan në cilësinë e provës materiale së bashku me automjetin tip “Benz”, me të cilën ky shtetas po lëvizte.

Në vijim të veprimeve, specialistët për Hetimin e Narkotikëve në DVP Durrës, arrestuan në flagrancë shtetasin Fabio Karaboja, 21 vjeç, banues në Durrës, i dënuar më parë për veprën penale “Prodhim dhe shitje narkotikësh”./ CNA.al





Lajmet e fundit nga