E fundit!

07:24 Ekonomi

Monedhat e huaja në minimumin historik/ Kursi i këmbimit, 15 korrik 2026

Këtë të mërkurë një dollar amerikan blihet me 81.3 lekë dh...

Përgjimet-Politikanë shqiptarë pjesë të klanit mafioz "Ndrageta"?/ Ku mbetën hetimet e SPAK

19 Gusht 2021, 09:32, Aktualitet CNA

Në fillim të këtij viti, Policia italiane zhvilloi një megaoperacion, ku vuri në pranga një grup shumë të madh personash, pjesë e klanit mafioz italian “Ndrangheta”.

Mediat italiane, në atë kohë, raportuar nga personat e përfshirë në hetime ishin edhe dy shqiptarë, ndërsa në përgjimet e zbardhura përmendej Shqipëria në shumë raste.

Emri kyç në përgjime ishte ai i Antonio Gallo, i njohur dhe si ?Princi?, i cili ka hapur një dyqan në zonën e ish-Bllokut në Tiranë.

Në përgjime, ky person dhe 3 ortakët e tij flisnin mbi mundësinë e investimeve në Tiranë, sidomos në biznesin e ndërtimit.

Gjithashtu në përgjim ranë dhe politikanë e funksionarë kalabrezë, Tomaso Brutto e Saverio Brutto, babë e bir, të cilët flisnin për një aktivitet në Shqipëri.

Në bisedat edhe me palë të tjera ata shpreheshin se në Shqipëri korrupsioni është galopant dhe me ndërhyrjen e eurodeputetit Lorenzo Cesa mund të krijohen lidhje me politikanë shqiptarë.

?Korrupsioni është total?, ?bëhet biznes pa tendera?, ?mund të shfrytëzohej për të vendosur lidhje në Shqipërinë për aferat e tyre? ?mjafton që një ministri në Shqipëri t?i japësh?? janë disa prej sekuencave të veçuara nga bisedat në përgjime.

Pas daljes në dritë të përgjimeve u raportua se Prokuroria e Posaçme kundër Krimit të Organizuar dhe Korrupsionit do të niste verifikimet për këtë çështje në lidhje me disa anëtarë të rrjetit mafioz ?Ndrangeta?, të cilët flisnin për investime në Shqipëri.

Në bisedat e përgjuara anëtarët e klanit mafioz ?Ndrageta?, lakonin Presidentin shqiptar, këshilltarin e tij, Bashkinë e Tiranës, etj.

Gjithashtu ata flisnin për takime me njerëz të pushtetesh, ministra etj.

Për këtë arsye Prokuroria e Posaçme njoftoi se do të kryente hetime, duke nisur kontaktet me autoritetet italiane lidhur me këtë dosje, për të parë nëse mafia italiane ka investuar në vendin tonë, ka pasur lidhje me persona të caktuar dhe sidomos me njerëz të veshur me pushtet në Shqipëri.

?Prokuroria e Posaçme Kundër Korrupsionit dhe Krimit të Organizuar me datë 25.01.2021, ka regjistruar kryesisht procedimin penal Nr.17/2021, për veprat penale ?Korrupsioni pasiv i personave që ushtrojnë funksione publike?, ?Grupi i strukturuar kriminal?, ?Pastrimi i produkteve të veprës penale ose veprimtarisë kriminale? të kryera në kuadër të grupit të strukturuar kriminal dhe ?Kryerja e veprave penale nga organizata kriminale dhe grupi i strukturuar kriminal?, parashikuar nga nenet 259, 333/a, 287 ? 28/4 dhe 334 i Kodit Penal.

Regjistrimi i këtij procedimi penal është bërë mbi bazën e disa artikujve të publikuara në media të ndryshme, në lidhje me hetimet e kryera nga Prokuroria Antimafia e Catanzaros në Republikën e Italisë, të cilat hedhin dyshime në lidhje me përfshirjen e shtetasve shqiptarë dhe të huaj, në aktivitete kriminale në Republikën e Shqipërisë,

Në kuadër të sqarimit të rrethanave dhe fakteve që lidhen me objektin e hetimeve të këtij procedimi penal, sot me datë 04.02.2021 në selinë e Drejtorisë Kombëtare Antimafia dhe Antiterrorizëm në Romë, u zhvillua një takim koordinativ.

Takimi u realizua nën drejtimin e zotit Federico Cafiero de Raho, Drejtues i Prokurorisë Kombëtare Antimafia dhe Antiterrorizëm, Itali dhe zotit Arben Kraja, Drejtues i Prokurorisë së Posaçme, Shqipëri, me pjesmarrjen dhe të prokurorëve italianë dhe shqiptarë që hetojnë këto dy procedime penale në shtetet respektive?, thuhej në njoftimin e SPAK-ut në fillim të Shkurtit të këtij viti.

Por kur janë bërë 7 muaj nga resgjistrimi i çështjes, ende nga SPAK-u nuk ka asnjë lëvizje.

Fjalë dhe vetëm fjalë se shumë shpejt do të ketë arrestime të bujshme jo në Korrik, jo në Gusht dhe tashmë thonë në Shtator, po asgjë më shumë.

Opinioni publik, kërkon të dijë kush janë zyrtarët dhe politikanët shqiptarë që kanë lidhje me klanin mafioz ?Ndrageta?.

Janë përmendur emra, që kanë dalë nga përgjimet, SPAK-u thuajse e ka pasur të gatshme një pjesë të punës, por nuk ka pasur reagim.

Është regjistruar fillimi i hetimeve dhe dosja duket se është lënë në një cep zyre të SPAK-ut për t?u pluhurosur edhe nga pushimet, ndërkohë që politikanët dhe zyrtarët shqiptarë si fije të ?Ndragetas? vijojn të paguhen nga taksat e qytetarëve të këtij vendi.

Ata i shërbejnë Ndragetas, qytetarët i paguajnë dhe SPAK-u I përkëdhel./CNA.al