E fundit!

08:27 Aktualitet

Helmohen sërish nga ushqimi dhjetëra kursantë të Akademisë së Sigurisë

Helmohen sërish kursantët e Akademisë së Sigurisë në Sauk....

Si kanë ndryshuar çmimet e apartamenteve në njësitë e Tiranës/ Zonat më të lira dhe të shtrenjta

13 Gusht 2021, 06:06, Ekonomi CNA

Nëse do të blesh sot një apartament, në çfarëdo zone të Tiranës, duhet të mendohesh mirë. Çmimet janë shumë më të shtrenjta sesa një dekadë më parë dhe për më tepër, rritja ka vazhduar dhe në tremujorin e parë.

Çmimi mesatar i një metri katror në kryeqytet në fund të 6-mujorit të parë 2021 arriti në 1102 euro/metër katror, sipas indeksit të ?Keydata Albania?, një publikim nga Çelësi Media Group, me një rritje prej 70% në krahasim me vitin referencë 2005.
Indeksi analizon dhe ecurinë e çmimeve të apartamenteve sipas zonave kryesore, brenda unazës së vogël, jashtë unazës së vogël dhe në Bllok.

Brenda unazës

Në fund të tremujorit të dytë 2021, një apartament brenda unazës kushton mesatarisht 1,173 euro/metër katror, nga rreth 700 euro në vitin 2005.
Sipas raporti, që shoqëron publikimin e indeksit, tendenca rritëse e çmimeve në zonën brenda Unazës së vogël vihet re në tremujorin e parë 2021. Në këtë tremujor, çmimi mesatar përllogaritet në 1,173 ?/m2; çmimi median përllogaritet në 1,085 ?/m2. Kraasuar me tremujorin e fundit 2020, në këtë gjashtëmujor, çmimet mesatare[1] janë rritur me 4.22% dhe çmimet mediane[2] me 4.47%.

Çmimet mesatare shprehin çmimin e shitjes së një apartamenti në një zonë të caktuar, i cili përllogaritet si shumë e çmimeve të shitjes ndaj numrit total të apartamenteve në shitje në atë zonë.

Çmimet mediane shprehin vlerën e mesit të çmimit të shitjes nga një numër apartamentesh në shitje.

Blloku

Në zonën e Bllokut, çmimi mestar i shitjes së apartamenteve arriti në 1,580 euro/metër katror në fund të tremujorit të dytë. Në vitin 2005, një apartament në Bllok kushtonte rreth 900 euro/m2.

Çmimet në Bllok filluan të rriten me shpejtësi pas vitit 2005, duke arritur në rreth 1300 euro/m2, që në vitin 2010. Pasi ranë në fillim të pandemisë, apartamentet në këtë zonë të preferuar u shtrenjtuan sërish në gjysmën e dytë të vitit të kaluar dhe pjesën e parë të 2021-shit.

Sipas Keydata, në këtë tremujor të dytë 2021, mesatarisht një apartament në zonën e bllokut shitet në vlerën 1,580 ?/m2, çmimi median përllogaritet në vlerën 1,443 ?/m2. Çmimet mesatare në këtë gjashtëmujor krahasuar me tremujorin e fundit 2020 janë ulur mz 0.22% ndërsa çmimet mediane janë ulur me 2.88%.

Jashtë unazës

Edhe në zonën jashtë unazës nuk mund të gjesh më apartament të lirë. Ndërsa shtrenjtimi ka filluar më vonë sesa në Bllok dhe brenda Unazës, ritmet e rritjes ishin të forta pas vitit 2019. Mesatarisht një apartament jashtë Unazës kushton rreth 1000 euro/m2, nga rreth 600 euro në vitin 2005.

Gjashtëmujori i parë 2021 karakterizohet nga një rritje e çmimeve mesatare të shitjes së apartamenteve në këtë zonë. ?mimet reale mesatare përllogariten në 1,034 ?/m2, ndërsa çmimet mediane në nivelin 982 ?/m2, duke pësuar një rritje me 4.65% dhe 2.36% krahasuar me tremujorin e fundit 2020.

Njësitë më të shtrenjta dhe më të lira të Tiranës

Dy njësitë më të shtrenjta të kryeqytetit janë njësia 5 dhe ajo 10, ku çmimet mesatare janë më të larta sesa 1200 euro për metër katror.
Ndërsa njësitë më të lira janë ato të 4 dhe 6, ku çmimet luhaten në rreth 800 euro/m2.
Në njësinë administrative NUMËR 1, çmimi mesatar për metër katror ka arritur në 930 euro/m2./Monitor

cna lajme ekonomi