E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Serat me kanabis/ Ministria e Bujqësisë thellon skandalin: I nxjerr sekretin Policisë

13 Korrik 2021, 09:13, Aktualitet CNA

Një ditë më parë në media qarkulloi një video, ku në një nga serat në Qendrën e Transferimit të Teknologjive Bujqësore në Lushnje, mes të tjerash dallohej se ishin mbjellë dhe lëndë narkotike e llojit hashash.

Pra, në serat e shtetit, referuar edhe pamjeve të Ministrisë së Bujqësisë, mes perimeve kultivohet edhe hashash.

Ndërsa me daljen e pamjeve, menjëherë Ministria u detyrua t?i fshinte ato.

Ndërkohë, sot ka ardhur një reagim nga Ministria e Bujqësisë, e cila në tentativë për të justifikuar videon, duket se vetëm sa ka thelluar skandalin.

Ministria e Bujqësisë thotë se ato bimë janë kanabis sattiva, por janë të mbjella me urdhër të Prokurorisë dhe Policisë së Shtetit.

?Në vijim të disa raportimeve dizinformuese në media të ndryshme informojmë si më poshtë:

Qendra e Transferimit të Teknologjive Bujqësore (QTTB) Lushnjë, ka në objektin e punës kërkimin/transferimin e teknologjive bujqësore për kulturat perimore dhe grurin si dhe identifikimin, testimin, përshtatjen e metodave dhe inputeve të reja në praktikat bujqësore. Kjo qendër disponon edhe një serrë për prodhimin dhe testimin e fidaneve të llojeve të ndryshme.

QTTB Lushnjë, në fushën e saj të veprimtarisë bashkëpunon me ente publike dhe private. Në këtë kuadër, bazuar në kërkesat e Prokurorisë /Policisë së Shtetit, kryen për llogari të hetimeve të tyre mbjelljen e farërave të bimeve të dyshuara si bimë narkotike. Bimet në fjalë janë mbjellë sipas kërkesës së tyre më shkresën numër 369, datë 4.05.2021.

Kjo formë e bashkëpunimit është e hershme dhe e vazhdueshme midis QTTB-ve dhe Prokurorisë/Policisë, në funksion të evidentimit të farërave të dyshuara nëpërmjet mbjelljes dhe rritjes deri në një fazë të caktuar.

Që prej vitit 2010 kjo procedure bëhet sipas një protokolli të përcaktuar qartë, që fillon nga marrja në dorëzim e farërave, mbjellja e tyre, shërbimet dhe dorëzimi i bimëve sipas dokumentacionit përkatës. Për mbjelljen e këtij numri të kufizuar bimësh shfrytëzohen të njejtat ambiente që përdoren edhe për kultivimin e bimëve të tjera.

Gjithashtu në vijim të sqarimit të opinionit publik referuar lajmeve të fundit mbi një zjarr të rënë në QTTB Lushnjë, informojmë se ky informacion është i pasaktë. Bëhet fjalë për një zjarr në një sipërfaqë të kufizuar toke në distancë me këtë qendër, ku digjeshin mbeturina kashte (hamullash) pas korrjes së grurit.

Ministria e Bujqësisë dhe Zhvillimit Rural mbetet e hapur dhe në dispozicion për cdo informacion tjetër që mund të nevojitet.?-thuhet në deklaratën e ministrisë së Bujqësisë./CNA.al

Video-Skandali/ Ministria e Bujqësisë, reklamon hashash në serat bujqësore të shtetit?