web counter
LEXO PA REKLAMA!

SHKARKO APP

App Store
Google Play

E fundit!

x

U vuri drynin qendrave të votimit/ SPAK merr të pandehur zyrtarin e Bashës

13 Korrik 2021, 07:02, Aktualitet CNA

Ish kryebashkiaku i PD në Pogradec, Eduart Kapri, përveçse për abuzime me tendera, është hetuar edhe për pengim të zgjedhjeve vendore të Qershorit 2019.

 SPAK, ka gruambulluar prova se Kapri ka tentuar të pengojë procesin zgjedhor të datës 30 Qershor 2019, duke iu vënë drynin shkollave, që Komisioni Qendror i Zgjedhjeve i kishte përcaktuar si qendra votimi.

Sipas SPAK, fakti i dytë penal ka lidhje me ngjarjen e datës 28.06.2019, ku janë arrestuar në flagrancë shtetasit Gurali dhe Safet Blaceri, duke vënë dryna me çelës në rrethin e jashtëm në tre shkolla dhe një kopsht, institucione këto që ndodhen ne lagjet nr.2 dhe 5 të qytetit të Pogradecit, të cilat ishin miratuar si qendra votimi nga Komisioni Qëndror i Zgjedhjeve për zgjedhjet vendore të datës 30.06.2019.

 Nga hetimi ka rezultuar e provuar se nga ana e shtetasit Eduart Kapri, me cilësinë e Kryetarit të Bashkisë Pogradec, në bashkëpunim me shtetasit Safet Blaceri dhe Gurali Blaceri, me detyrë mirëmbajtës në Qendrën Arsimore, Pogradec, janë bërë tentativa për të penguar procesin zgjedhor që do të zhvillohej në datë 30.6.2019.

 Në kushtet kur nuk ka patur asnjë kërkesë për sigurinë e tyre, janë kryer veprime konkrete për mbylljen e këtyre institucioneve./CNA.al

 





Lajmet e fundit nga