web counter
LEXO PA REKLAMA!

SHKARKO APP

“Kokainë në banane”/ Zbulohet kompania që kishte porositur ngarkesën

13 Korrik 2021, 13:06, Aktualitet CNA

14 pako me kokainë janë kapur në Portin e Durrësit mesditën e sotme, në një kontejner të ngarkuar me banane që vinte nga Ekuadori.

Mësohet se kokaina u gjet pas një kontrolli të Policisë Kufitare, ku nga skaneri rezultoi se kontejneri kishte pësuar modifikime në pjesën e bazamentit, ku edhe u gjet më pas e fshehur droga.

Policia ka shoqëruar shoferin e kamionit që shkoi të tërhiqte kontejnerin si dhe menaxherin e firmës shqiptare që e kishte porositur.

Kontejneri kishte mbërritur në Portin e Durrësit dy ditë më parë dhe ishte nën vëzhgimin e autoriteteve për të kapur personin që do të shkonte për të marrë ngarkesën.

Ndërkohë, mësohet se ngarkesa vinte për llogari të kompanisë shqiptare “Alba Exotic fruit”, me adresë në Kombinat, Tiranë.

Kjo kompani operon në treg që nga viti 2011, ndërsa pronarë të saj janë E.D. dhe B.G.

Kujtojmë këtu se trafikimi i sasive të mëdha të kokainës përmes bananeve nga Ekuadori, është një skenar që përsëritet në Portin e Durrësit./CNA.al

Sekuestrohen 14 pako me kokainë/ Policia zbardh detajet e operacionit në Durrës





Lajmet e fundit nga