web counter
LEXO PA REKLAMA!

SHKARKO APP

App Store
Google Play

Padia për tenderin e uniformave/ Murrizi: SPAK duhet ta ngrejë pak stekën

12 Korrik 2021, 19:37, Politikë CNA

Kreu i grupit parlamentar demokrat Myslim Murrizi ka folur për padinë e bërë për tenderin e uniformave nga Ministria e Brendshme.

I ftuar në News24, teksa u pyet nëse kishte besim se do të vinte kjo ditë, Murrizi tha se kishte besim që SPAK do merrej me abuzimet, por kërkoi që të ngrihet niveli i personave nën akuzë dhe të mos ketë dy standarde.

?Nuk është se kam qenë optimist i madh se SPAK do të zgjidhë me shkop magjik plagën që është mahis në këtë vend korrupsionin. Por kam pasur besim që kjo strukturë e re e financuar nga amerikanët, ditën që do të plotësohej me prokurorë do të fillonte hetimin me OPGJ dhe të BKH, do të merrej seriozisht dhe nën presionin e ndërkombëtarëve me abuzimet. 

Kam pasur besim se kjo strukturë do merrej.

Nuk është kohë e largët, ende pa u mbushur 1 vit. Në 3 shtator është protokolluar. Janë dashur hetime, një pjesë e mirë e këtyre ustallarëve kanë qenë në përgjime deri për të shkuar në gjykatë. Shpresoj shumë që ta ngrejë pak stekën SPAK sepse njeriu që merrej drejtpërdrejt me tenderët është funksionari më i lartë i administratës publike në shtet është sekretari i përgjithshëm.

 SPAK në të drejtën e tij do shikojë deri ku shkon ky abuzim. Është 10-11 mln euro abuzim duke iu referuar çmimeve të tregut. Duhet thirrur dhe fituesi i tenderit, të mos ketë dy standarde. Nëse në Lushnjë administratori i kompanisë u arrestua, atëherë firma duhet të thirret si qysh tek, ka qenë sepse dhe ai di diçka, jo pak. Sepse në fund të fundit është darovitësi?, deklaroi Murrizi./CNA.al





Lajmet e fundit nga