web counter
LEXO PA REKLAMA!

SHKARKO APP

App Store
Google Play

E fundit!

x

Ivi Kaso: PD është e gatshme që të vendosë bashkërisht në parlament për reformën zgjedhore

12 Korrik 2021, 20:06, Politikë CNA

Ekziston nevoja për një reformë zgjedhore në vendin tonë, tha në ?Raw Politics? Ivi Kaso, i cili shtoi se Partia Demokratike është e gatshme për të vendosur mbi këtë reformë bashkërisht, në parlament.

?Palët, në kuadër të një ushtrimi parlamentar, të ndalen dhe të bëjnë gjetjet e procesit problematik, të analizojnë përfundimet e raportit OSBE/ODIHR dhe të vendosin bashkërisht?, u shpreh z. Kaso.

Sekretari për çështjet zgjedhore i Partisë Demokratike tha se reforma zgjedhore duhet të garantojë standarde që sipas tij, në zgjedhjet e fundit nuk janë arritur.

Z. Kaso shtoi se OSBE/ODIHR thekson në një pikë të raportit se është e domosdoshme që zgjedhjet të pasohen me një reformë të re zgjedhore.

Sipas Ivi Kasos, mazhoranca ndryshoi Kodin Zgjedhor në ?mënyrë të njëanshme? në aspekte që ?ndikuan dhe deformuan? rezultatin e procesit zgjedhor në zgjedhjet e 25 prillit.

?Ashtu siç vërtetohet nga vendimi i fundit i Gjykatës Kushtetuese?, u shpreh ai.

Gjykata Kushtetuese ka shfuqizuar nenet e Kodit Zgjedhor që përcaktojnë herësin dhe shpërndarjen e mandateve./euronews





Lajmet e fundit nga