E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

REPORTAZH-Sarandopori/ Perla e Kolonjës, atraksion turistik që nuk duhet humbur

10 Korrik 2021, 08:20, Kulturë CNA

Llixhat e Sarandoporit ndodhen vetëm 10 minuta larg Leskovikut, ndonëse nga Korça duhen disa orë për të mbërritur në destinacion, mrekullia që gjendet në këtë vend nuk ka të krahasuar. E gjithë natyra në Sarandopor të jep qetësi, me gjelbërimin përreth, e me mënyrën e veçantë që natyra është krijuar me dhjetra gura në të gjithë sipërfaqen e me ujërat termale e kurative. Uji që del është shumë i pastër dhe mund të konsumohet, e ndërkohë më e rëndësishmja mbetet fakti se ky ujë kuron sëmundje të brendshme, ato të lëkurës, dhe ka një veprim çudibërës për sëmundjet e kockave.

Fillimisht llixhat janë përdorur në kohën e Turqisë, por edhe në kohën e viteve të pas çlirimit, ku çdo ditë 15 ditë kuroheshin rreth 100 ? 150 persona. Vetë fakti që shumë turistë zgjedhin ta vizitojnë këtë kanion kaq te mrekullueshëm, do të thotë shumë për zhvillimin turistik që mund të ketë më shumë në të ardhmen Sarandopori. Është fat për Kolonjën të ketë këtë vend atraktiv me 300m lartësi mbi nivelin e detit, e po ashtu edhe me vlera të rralla kurative që çdo ditë e më tepër po afron vizitorët nga qytete të ndryshme të Shqipërisë.

Një grup prej 20 të rinjsh nga Korça janë bërë pjesë e një guide këtë fundjavë, dhe kanë zgjedhur pikërisht Sarandoporin, për shkak se nuk është vend i promovuar mjaftueshëm dhe që kërkon një vëmendje të madhe nga të gjithë për zhvillimin e turizmit në zonë. Gjatë bisedës me disa prej të rinjve, kemi marrë këto mendime lidhur me përshtypjet që kanë krijuar sapo kanë parë peizazhin e mrekullueshëm të llixhave.

?Jemi rreth 20 të rinj që vijmë nga qyteti i Korçës dhe për herë të parë kemi dëgjuar para një jave për Sarandoporin. Shumë interesant vendi, nuk e di që në qarkun e Korçës ne e kishim këtë mrekulli, kështu që e kemi një eksperiencë të re në një habitat të ri le ta quajmë kështu, shumë bukur. Jemi kënaqur dhe do ua sugjerojmë edhe të tjerëve pa diskutim?, u shpreh njëri prej tyre.

?Dëgjuam për Sarandoporin rreth një javë më parë dhe vendosëm që të organizoheshim si grup të rinjsh e ta vizitonim këtë perlë natyrore. Vendi është shumë interesant, madje nuk e dinim që e kishim këtë mrekulli në qarkun tonë. Është shumë bukur këtu, është një eksperiencë e re për ne, kënaqësia që po marrim është e madhe dhe ua sugjerojmë ta vizitoni? ? tregon njëra prej pushuesve nga Korça.

?Për mua llixhat e Sarandoporit janë realisht më të mirat në shtetin shqiptar. Kisha dëgjuar më parë për këtë zonë, po ashtu e kisha vizituar, dhe vendosa të rikthehem sërish sepse është një mrekulli të jesh këtu. Të gjithë jemi të kënaqur, por edhe pak të lodhur për shkak të infrastrukturës pak të keqe, megjithatë sërish ua sugjeroj të gjithëve të vijnë ta vizitojnë, vlerat që gjenden këtu s?mund ti gjesh askund tjetër? ? shprehet një tjetër i ri nga Korça.

Llixhat e Sarandoporit janë monument natyror, me burimet termale që ndodhen në brigjet e Vjosës. Turistët këtu mund të gjejnë dy burime të mëdha dhe 40 burime të vegjël me vlera kurative. Synimi i të gjitha instancave është promovimi sa më i lartë i zonës, me vlerat natyrore dhe peizazhin e bukur si edhe të afrojnë turistët vendas por edhe të huaj. Mos e humbisni këtë perlë natyrore, me vlerat kurative për shëndetin e me qetësinë që të gjithë kemi nevojë gjatë ditëve të nxehta të verës dhe larg përditshmërisë./ CNA.al