web counter
LEXO PA REKLAMA!

SHKARKO APP

App Store
Google Play

Muzikë jashtë orarit të lejuar/ Gjobitet dhe vihet nën hetim reperi Noizy

10 Korrik 2021, 14:31, Aktualitet CNA

Reperi Noizy është gjobitur dhe proceduar penalisht nga policia.

Kjo masë andministrative ndaj këngëtarit vjen pas kontrolleve të ushtruara nga uniformat blu mbrëmjen e djeshme në 2 subjekte që mbanin muzikën ndezur përtej orës së lejuar.

Njëri është lokali i reperit Rigel Rojku, i njohur ndryshe si Noizy. Ndërsa personi tjetër i proceduar është Indrit Deti, administrator i një tjetër lokali.

Njoftimi

Vijojnë kontrollet nga Policia e Durrësit, për monitorimin e lokaleve që vijojnë organizimet me muzikë pas orarit të përcaktuar për mbyllje.

U konstatuan duke ushtruar aktivitet me muzikë, procedohen penalisht dhe ndëshkohen me masë administrative, administratori një subjekti dhe pronari i një subjekti tjetër.

Shërbimet e Stacionit të Policisë Plazh, në bashkëpunim me forcat ?Shqiponja? në DVP Durrës, në vijim të kontrolleve për zbatimin e planit të masave për garantimin e rendit dhe qetësisë publike dhe monitorimin e lokaleve që vijojnë organizimet me muzikë pas orarit të përcaktuar për mbyllje, në kundërshtim me masat anticovid të vendosura nga organet kompetente.

Në vijim të kontrolleve, shërbimet e Policisë kanë konstatuar dhe proceduar penalisht për veprën penale ?Prishja e qetësisë publike? shtetasit:

D., 26 vjeç (administrator i një subjekti) dhe R. R., 35 vjeç, (pronar i një subjekti), banues në Durrës, pasi u konstatuan duke vijuar organizimin e aktivitetit me muzikë, në lagjen nr.13 Plazh, Durrës, pas orarit të përcaktuar për mbyllje.

Gjithashtu, për të 2 subjektet është vendosur masa administrative 1.000.000 lekë, për shkelje të orarit të përcaktuar në aktin normativ, për zhvillimin e aktiviteteve.

Drejtoria Vendore e Policisë Durrës apelon për të gjithë administratorët dhe pronarët e lokaleve që të respektojnë masat anticovid dhe orarin e përcaktuar për ushtrimin e aktivitetit.





Lajmet e fundit nga