web counter
LEXO PA REKLAMA!

SHKARKO APP

App Store
Google Play

E fundit!

x

Skandali me tenderin e Uniformave të Policisë/ Shtrëngohet "laku" për ish-ministrin e Brendshëm?

10 Korrik 2021, 07:37, Aktualitet CNA

Prokuroria e Posaçme Kundër Korrupsionit dhe Krimit të Oranizuar po zhvillon sot një aksion në Ministrinë e Brendshme, në lidhje me hetimet për një tender për uniformat e Policisë.

Nga operacioni i SPAK janë vënë në pranga 8 persona, dhe një është lënë në arrest shtëpie.

Operacioni është bërë në lidhje me abuzimin me tenderin e uniformave të policisë me vlerë 27 milionë euro, ku mes të arrestuarve është edhe ish-drejtoresha e prokurimeve publike në Ministrinë e Brendshme, Edlira Naqellari, e cila ishte në detyrë deri 1 jave më parë.

Kujtojmë këtu se tenderi për uniformat e policisë u denoncua në verën e vitit 2020 fillimisht nga deputeti Myslim Murrizi, i cili në foltoren e Kuvendit, tha se tenderi i është dhënë një kompanie gërmimesh.

Ndërsa më 3 gusht 2020, deputetët Myslim Murrizi dhe Halit Valteri, e kallëzuan në SPAK tenderin prej 27 milionë eurosh.

Fituesi i tenderit të paracaktuar nga Ministria e Brendshme për uniformat e Policisë së Shtetit llogaritej të prodhojë rreth 200 mijë artikuj më pak, ndonëse me të njëjtin fond limit, si në tenderin që u pezullua vitin e kaluar.

Sipas kallëzimit të depozituar në Prokurorinë e Posaçme nga deputetët Myslim Murrizi dhe Halit Valteri, më datë 11.05.2020, u zhvillua procedura e tenderit me objekt ?Blerje dhe shpërndarja e uniformave dhe këpucëve të Policisë së Shtetit? për 4 vjet, me fond limit rreth 2.8 miliardë lekë pa TVSH apo 27 milionë euro me TVSH. Fituesi i paracaktuar ishte firma ?D&E? shpk, e cila nuk plotësonte shumë kushte e dokumente të kërkuara dhe ndonëse ofronte rreth 5 miliardë lekë më tepër se operatori i klasifikuar si i pari.

Në kallëzim theksohej se procedura fiktive e tenderit për blerje e shpërndarje të uniformave dhe këpucëve të Policisë së Shtetit, me fond limit rreth 2.8 miliardë lekë, me pasojat e vjedhjes 500 milionë lekë e të dyshimit se mund të shkojë dhe në mbi 1 miliard lekë, u realizua ashtu siç e deshi ministri Lleshaj.

?Ministri Lleshaj vjen nga radhët e Forcave të Armatosura (Ushtrisë Shqiptare), me gradë ?Gjeneral? dhe kapelja që ka mbajtur në kokë, është nga e njëjta kompani. Ministria e Mbrojtjes është furnizuar asaj kohe nga ?D&E SHPK? dhe e di mirë ministri Lleshaj se një kapele ka kushtuar 350 euro copa. Dyshohet se dhe ?D&E? shpk, furnitori kryesor i Ministrisë së Mbrojtjes me uniforma ushtarake, e ka ofruar ministri Lleshaj?, thuhej në kallëzimin e deputetëve./CNA.al

Skandali me tenderin e Uniformave të policisë/ Murrizi ?zbarkon? në SPAK

SPAK aksion në Ministrinë e Brendshme/ Prangosen tetë persona, mes tyre dhe një ish-zyrtare e lartë





Lajmet e fundit nga