web counter
LEXO PA REKLAMA!

SHKARKO APP

App Store
Google Play

Përgjimet/ Kush është J.M. me zyrë në godinën e Kryeministrisë?

9 Korrik 2021, 08:14, Aktualitet CNA

Materiali i prokurorisë për rastin “Tushe & co”  ndaj të cilëve u dha dhe masa e sigurisë, përcjell informacione për më shumë zyrtarë të përfshirë.

Ndërsa të gjithë janë ndalur dhe komentojnë një bisedë midis një zyrtareje të tmerruar nga fakti që e kishte thirrur SPAK, të gjithëve ju “shpëtojnë” detaje interesante nga ajo dosje.

Materiali dhe bisedat referojnë tek një person me iniciale “J.M.”

Këtë zyrtar, personat ne hetim e referojnë si drejtor, por nga aktet e ankimimit në KPP, ka rezultuar që shqyrtimi është bërë nga një trupë komisionerësh të kryesuar nga J.M.

Me këto iniciale në KPP, ka vetëm një person dhe ky është Jonaid Myzyri.

Personi që në material referohet si Braçe, në atë kohë punonte si shofer i një deputeti, emri i të cilit fillonte me B.

Dhe ky fakt është i ditur nga të gjithë ata që po abuzojnë dhe e alokojnë mbiemrin tek një tjetër zyrtar i lartë, me zyrë në godinën e Kryeministrisë. “Braçja” i përgjimeve është nofka që përdorej për personin të cilit i referohen personat në hetim. Abuzimi me këtë fakt, nuk duket aq “i pafajshëm”.

Ajo që të gjithë po harrojnë është përgjigja e pyetjes: kush është J.M.?

Nga transkriptet personat në hetim komentojnë për një person që punon drejtoreshë në KPP, (grua ose burrë nuk janë të sigurtë).

Komentet bëhen për një person me mbiemër “Yzeiri”, por bashkëbiseduesit duken të pasigurtë në lidhje me saktësinë e emrit.

Nga organigrama e KPP nuk rezulton ndonjë person me emër apo mbiemër “Yzeiri”, por bashkëbiseduesit mund të jenë duke ju referuar të njëjtit person me iniciale “J.M.”.

“Myzyri” apo “Yzeiri”?

Në bisedat telefon pas telefoni, të tipit “telefoni i prishur”  mundet që të bëhet fjalë për kryetarin e KPP, Jonaid Myzyri.

Dhe KPP i ka zyrat në godinën e Kryeministrisë!/CNA.al





Lajmet e fundit nga