web counter
LEXO PA REKLAMA!

SHKARKO APP

App Store
Google Play

Si nisi rënia e PD?/ Majlinda Bregu zbardh dështimet e Bashës

6 Korrik 2021, 08:32, Politikë CNA

Sekretarja e Përgjithshme e Këshillit të Bashkëpunimuit Rajonal, Majlinda Bregu e ftuar në Euronews Albania në emisionin politik të ri të Erla Mëhillit, ka deklaruar se që në 2017-ën, në kohën e çadrës ka kundërshtuar rrugën që PD kishte ndërmarrë.

?Unë kam qenë në Amerikë kur grupi parlamentar ka hyrë në çadër. Kam ardhur, kam takuar kryetarin e PD, kam shkuar në çadër siç kanë shkuar të gjithë.  Të them të drejtën nuk e besova asnjëherë që ishte një projekt që i jepte peshë, vlerë dhe e çonte partinë drejt fitores.

Por, le të themi që ujërat u majisën në momentin që po shkohej gjithmonë  e më shumë drejt bojkotit të zgjedhjeve  parlamentare. Ndaj them se pas momentit te 2017 unë nuk kam patur me asnjë kontakt me të?, është shprehur Bregu.

Më tej Bregu, është ndalur tek largimet në PD dhe dobësimi i saj.

?Si kontribuohet ne parti? Se partia është gati-gati ushtri.  Caktohen detyra dhe një parti serioze nuk duhet ta bëjë këtë gjë një muaj para zgjedhjeve, por duhet ta bëjë këtë gjithë kohën.

Ne rast, se në listat e anëtarësisë e ke më kollaj që t?i heqësh emrin tre-kater vetave, në vend që të thërrasësh dhe tre-katër veta të tjerë, është histori pastaj që fillon e humbet vlerën. Dakort, unë u largova, fillova punë në një vend tjetër po s?është vetëm çështje e Majlindës kjo, PD është shumë më e madhe?, është shprehur më tej Bregu./CNA.al





Lajmet e fundit nga