web counter
LEXO PA REKLAMA!

SHKARKO APP

App Store
Google Play

E fundit!

x

“BE po vret shpresën”!/ Rama ngre tonet në Samitin e Berlinit: Po na e ndërlikoni shumë rrugëtimin tonë

5 Korrik 2021, 17:44, Politikë CNA

Kryeministri Edi Rama është shprehur me tonë të ashpra gjatë fjalës së tij në Samitin e Berlinit, që po zhvillohet sot virtualisht.

Duke iu drejtuar krerëve të BE, Rama tha se po e ndërlikojnë shumë rrugëtimin e vendeve të Ballkanit Perëndimor.

Sipas kreut të qeverisë shqiptare, BE po vret flakën e shpresës, duke theksuar se nacionalizmat në BE po luajnë shumë rolin e kundërt me procesin e integrimit, e ndërsa e ka cilësuar Procesin e Berlinit si ?shtylla më e fortë e shpresës për të ardhmen?.

?Është e trishtë dhe të gjithë e dinë që ndërkohë procesi i integrimit europian të të gjithë rajonit në BE, që dikur shihej dhe tregohej si rruga e duhur për të nënshtruar nacionalizmat ballkanikë, është shndërruar tanimë në një proces që shtypet nga nacionalizmat e BE-së.

Ja që, herë aty e herë këtu, nacionalizmat në BE po e ndërlikojnë shumë rrugëtimin tonë europian e po luajnë shumë rolin e kundërt me të. Megjithatë, siç thoshte edhe legjendari Donald Trump, ?Është kjo që është?, kësisoj na duhet të ecim përpara me atë çka kemi. E me këtë çka kemi, mendojmë vërtetë se Procesi i Berlinit dhe ajo çka është shpërfaqur prej tij, është shtylla më e fortë e shpresës për të ardhmen?, tha Rama./CNA.al





Lajmet e fundit nga