E fundit!

13:05 Aktualitet

Kallëzohet në SPAK Edi Rama

Grupi Parlamentar i PD-së kallëzon në SPAK Edi Ramën për v...

Busti i Skëndërbeut vendoset në Budapest/ Meta: Simbolizon e rrënjët e miqësisë dhe aleancës

5 Korrik 2021, 11:13, Politikë CNA

Me ftesë të Kreut të Shtetit të Hungarisë, Presidenti i Republikës, Ilir Meta në krye të delegacionit zyrtar shqiptar mori pjesë dhe përshëndeti ceremoninë e përurimit të bustit të Heroit tonë Kombëtar, Gjergj Kastrioti Skënderbeu, që u vendos në parkuan Városliget të kryeqytetit hungarez, në prani të Presidentit të Republikës së Hungarisë, János Áder, të kryebashkiakut të Budapestit Gergely Karácsony si dhe të kryetarit të Bashkisë së Tiranës, Erion Veliaj.

Presidenti Meta dhe Presidenti i Hungarisë Áder, pas prerjes së shiritit përurures dhe zbulimit të veprës së skulptorit shqiptar Agim Rada, si dhe fjalimeve përshëndetëse, vendosën kurora në shenjë nderimi pranë bustit të Gjergj Kastriotit Skënderbeut.

Meta tha se rrënjët e miqësisë midis dy popujve tanë gjenden në lidhjet legjendare dhe aleancën strategjike të Heroit tonë Kombëtar me Prijësin ushtarak dhe drejtuesin e spikatur të Hungarisë dhe të mbarë Europës Qendrore, Janosh Huniadi, të dy mburoja të vlerave dhe të traditave të qytetërimit, por edhe të identitetit tonë europian.

?Me shumë kënaqësi dhe emocion të veçantë, mora pjesë sot, me ftesë të Presidentit Ader, në ceremoninë e vendosjes së përmendores së Heroit tonë Kombëtar Gjergj Kastrioti Skënderbeu, në Budapest.

Rrënjët e miqësisë midis dy popujve tanë gjenden në lidhjet legjendare dhe aleancën strategjike të Heroit tonë Kombëtar me Prijësin ushtarak dhe drejtuesin e spikatur të Hungarisë dhe të mbarë Europës Qendrore, Janosh Huniadi, të dy mburoja të vlerave dhe të traditave të qytetërimit, por edhe të identitetit tonë europian.

Ashtu si në kohën e aleancës së Kastriotit dhe të Huniadit, Hungaria mbetet një mbështetëse e palëkundur e integrimit europian të Shqipërisë dhe ne i jemi thellësisht mirënjohës.

Jam i bindur se fryma e miqësisë dhe e bashkëpunimit të shkëlqyer tradicional historik midis dy vendeve dhe popujve tanë do të forcohet pa u ndalur në të ardhmen.?-shkruan Meta, në një postim në rrjetet sociale.