Ku mbetën betejat e Bashës?

4 Korrik 2021, 11:40, Politikë CNA

Nëse do të kishte një dekoratë për mashtrime dhe gënjeshtra, i vetmi që do ta meritonte dhe do ta fitonte, është kreu i PD-së Lulzim Basha.

Aq i ka gënjyer dhe mashtruar demokratët sa është gati për në ?Gines?.

Artikulimet për luftë dhe beteja të dala nga goja e Bashë,s kanë mbetur thjesht fjalë, për të justifikuar humbjet dhe dështimet.

Basha nuk ka arritur të fitojë betejën me gjumin, jo më me pushtetin dhe Edi Ramën, të cilit, ia dhuroi edhe katër vite të tjera.

?Tani fillon lufta, betejat nuk do të ndalen, masakra zgjedhore?, kanë qenë kryefjala e Bashës të paktën që pas zgjedhjeve të 25 Prillit, ku dështoi bindshëm edhe pasi iu numëruan kutitë e mira, siç i quante ai.

Se me kë kishte në plan të luftonte dhe të bënte beteja, kur deklarohej para selisë blu për masakrën zgjedhore, kjo mbeti enigmë.

Pasi asnjë demokrat dhe asnjë qytetarë në Republikën e Shqipërisë, nuk ka parë ndonjë betejë nga Basha.

Faktet janë këto.

Mbaruan zgjedhjet, ai humbi bindshëm, bëri sikur po justifikohej për dështimin duke folur për masakër zgjedhore, i ranë poshtë të gjitha paditë, pra asnjë ndryshim.

Më pas me nxitim organizoi zgjedhjet në PD dhe fitore konsideroi rizgjedhjen e tij në krye të selisë blu edhe pse përmes një procesi skandaloz zgjedhor të mbushur plot me skandale.

Pas rizgjedhjes ai u zhduk nga skena politike derisa një ditë u shfaq në aeroport duke udhëtuar për në Holandë, për të ajrosur shtëpinë atje e për të ujitur tulipanët.

Pra, betejën dhe luftën i zhvendosi në Holandë, për t?u hedhur më pas një xhiro nga Brukseli, ku pranoi se i njihte zgjedhjet dhe se do të hynte në Kuvend.

?Qëllimi ynë është të çlirojmë Shqipërinë dhe shqiptarët nga një bandë plaçkitësish që e kanë marrë peng demokracinë e vendit. Dhe në funksion të kësaj ne do të bëjmë gjithçka brenda dhe jashtë parlamentit, brenda dhe jashtë vendit në mënyrë që Shqipërisë një orë e më parë t?i kthehen kushtet dhe mundësitë për një demokraci funksionale nga e cila varet pastaj gjithçka, rendi dhe siguria, zhvillimi ekonomik, punësimi dhe dhënia fund e hemoragjisë së emigracionit së të rinjve?, deklaroi Basha nga Brukseli me 28 Qershor.

Basha harroi masakrën zgjedhore dhe iu kthye sërish gjumit.

Nga pushimet në Holandë dhe deklarata në Bruksel, ai u shfaq me pushime në Theth.

Ndërsa demokratët prisnin që Basha, të faktonte masakrën zgjedhore, të cilën e trumbetoi aq shumë, ai bën beteja imagjinare, sa në Holandë e sa në Shqipëri./CNA.al