web counter
LEXO PA REKLAMA!

SHKARKO APP

App Store
Google Play

Von der Leyen në Samitin e Berlinit/ Të përshpejtohet procesi i zgjerimit

5 Korrik 2021, 17:14, Kosova & Bota CNA

Presidentja e Komisionit Europian, Ursula von der Leyen mori pjesë në Samitin e Ballkanit Perëndimor, në kontekstin e të ashtuquajturit ?Procesi i Berlinit?.

Samiti mblodhi së bashku për tetë herë kryetarët e shteteve nga Ballkani Perëndimor dhe homologët e tyre nga nëntë shtete anëtare të BE-së, përfaqësues të nivelit të lartë të BE-së dhe Mbretërinë e Bashkuar, për të përparuar në bashkëpunimin e tyre rajonal dhe agjendën e integrimit evropian.

Takimi virtual u organizua nga Kancelarja Merkel, ndërsa në fjalën e tij Presidentja e KE dhe komisioneri Varhelyi vunë theksin te procesi i integrimit të vendeve të Ballkanit Perëndimor, duke kërkuar që të përshpejtohet procesi i zgjerimit.

?Prioriteti ynë i parë është të përshpejtojmë axhendën e zgjerimit në të gjithë rajonin dhe të mbështesim partnerët tanë të Ballkanit Perëndimor në punën e tyre për të kryer reformat e nevojshme për të përparuar në Evropë. Por, angazhimi ynë me Ballkanin Perëndimor shkon përtej kësaj, dhe Procesi i Berlinit ka shërbyer si një inkubator për shumë iniciativa që tani janë bërë një pjesë integrale e politikës së BE-së ndaj rajonit. Së bashku, ne kemi vendosur kursin për një Evropë më të qëndrueshme, më dixhitale dhe më elastike?, tha Presidentja Von Der Leyen./CNA.al

 

 

 

 





Lajmet e fundit nga