web counter
LEXO PA REKLAMA!

SHKARKO APP

App Store
Google Play

Babai i Caroline flet për vrasësin e të bijës/ “Priti që ajo të flinte dhe e vrau”

5 Korrik 2021, 16:25, Kosova & Bota CNA

Babai i Caroline, David Crouch, pas humbjes së vajzës së tij ka rrëfyer për jetën e re me mbesën e cila mbeti pa nënë dhe babai i përfundoi pas hekurave për vrasjen e së ëmës.

David i është përgjigjur pyetjeve rreth dyshimit se Babis Anagnostopulos mund të ketë qenë i përfshirë në aktivitete të paligjshme.

?Vajza është mirë dhe e lumtur, është me gjyshen e saj. Të gjithë e duan. Është me Susan, ajo e merr dhe e nxjerr për shëtitje të shkurtra. Gjithçka që dua të bëj është të kujdesem për mbesën time dhe ta rris atë që të duket si nëna e saj,? ka thënë ai.

Në të njëjtën kohë, David kërkon drejtësi për vrasjen e vajzës së tij, ndërsa i referohet gjithashtu dyshimeve se Babis Anagnostopulos është i përfshirë në veprimtari të paligjshme.

?Vajza ime ishte shumë e zgjuar dhe shumë e sinqertë. Ajo nuk do të mbështeste asgjë të paligjshme. Nëse ajo do të mësonte diçka do të kishte thënë. Dhe mendoj se mbase kjo ishte ajo që synonte të bënte. Fatkeqësisht, u vra ndërsa ishte duke fjetur,? ka rrëfyer ai.

?Ajo që e bën më keq, për mendimin tim, është se ai ishte kaq frikacak. E vrau ndërsa ajo ishte duke fjetur. Ai vrau një person dhe më herët kishte hequr kartat e kujtesës nga kamerat e sigurisë, kështu që e dinte se çfarë do të bënte. Priti derisa ajo ra në gjumë dhe pastaj e vrau,? përfundoi ai./ CNA.al





Lajmet e fundit nga