web counter
LEXO PA REKLAMA!

SHKARKO APP

App Store
Google Play

“Koha e maskarenjve, por Shqipëria e shqiptarëve”/ Olli jep mesazhin e fortë

2 Korrik 2021, 07:43, Politikë CNA

31 vite më parë, 2 korrik 1990 mijëra shqiptarë guxuan të hyjnë në ambasadat e huaja në Tiranë, duke shënuar fillimin e ndryshimit politik në Shqipërinë komuniste.

Në lidhje me këtë ngjarje historike për vendin tonë ka ardhur një reagim edhe nga anëtari i Bordit Drejtues të Bindjes Demokratike, Leonard Olli.

Në një postim në rrjetet sociale, Olli shkruan se 2 korriku 1990, është dita që tronditi e trembi për vdekje regjimin e kalbur komunist që përjetonte ditët e fundit.

Sipas tij, 2 korriku është ndër ditët më të spikatura të rezistëncës antikomuniste, dita kur shqiptarët rrëzuan muret e skllavërisë.

?Një ndër ditët më të spikatura në historinë rezistencës antikomuniste në Shqipëri! Dita e madhe kur shqiptaret rrëzuan muret e skllavërisë komuniste dhe ndjenë shijen e madhe te lirise pas plot 45 vitesh dhe besuan se ka shpresë, edhe pse në oborret e ambasadave perëndimore!

Këta heronj anonimë i dhanë shpresë një kombi të tërë edhe pse ngadhënjimi mbi të keqen dukej ende larg!?-shkruan Olli.

Por, ai gjithashtu shigjeton edhe klasën politike, dhe përcjell edhe një mesazh të fortë për shqiptarët, ndërsa shkruan se ?Koha mund te jetë, herë pas here, e maskarenjëve, por Shqipëria u përket shqiptarëve! Këtë nuk mund ta ndryshojë askush!?/CNA.al





Lajmet e fundit nga