Petrit Vasili nuk ndalet me akuzat ndaj Qeverisë/ “Rama e konsideron bujqësi mbjelljen e drogës”

1 Korrik 2021, 13:41, Politikë CNA

Nënkyetari i LSI, Petrit Vasili vijon me akuzat ndaj kryeministrit Edi Rama. Këtë herë Vasili shprehet se Rama po mashtron fermerët përsa iu përket fondeve për bujqësinë. Sipas tij faktet flasin për mashtrimin që po iu bën qeveria fermerëve

“Rama e konsideron bujqësi mbjelljen e drogës, ndaj është i pari në botë jo në Ballkan! Rama kanabisin dhe mijrat e hektareve të mbjellë me të i konsideron bujqësi.

Është e vërtetë që Shqipëria për meritë të Ramës është e para në Europë për drogën e mbjellë dhe Ramës tani nuk i mbetet objektiv tjetër veçse për të qenë i pari në botë!

Bujqësia e drogës së Ramës mbjell vdekjen, varfërinë tragjike dhe degradimin, ndërsa bujqësia e fermerëve shqiptare ndihmon jetën, begatinë dhe shëndetin e njerëzve.

Dje Rama mashtroi shumë rëndë për bujqësinë. Rama deklaroi me gojën plot dje se :

“Shqipëria, vendi i parë në rajon për fondet e miratuara për bujqësinë”.

Faktet për bujqësinë flasin vetë dhe janë kaq të thjeshta për të provuar mashtrimet e Ramës.

Por hajt të shohim realitetin.

1.Qeveria e Ramës ka vendosur 8.5 milionë euro për subvencione për fermerët, ndërsa Maqedonia 60 milion euro,Kosova 53 milion euro,Mali i Zi 61 milion euro.Mashtrimi i Ramës kuptohet lehtë.

2.Qeveria deklaroi në tetor të vitit 2020 se do të merrnin naftë me cmim te lire 70 mije fermere dhe realisht moren vetem 19213 prej tyre dhe shumica e naftes u shpernda dy dite perpara zgjedhjeve per te blere voten

3.Fermere aktive sipas Drejtorise se Tatimeve jane 46923 fermere nga 70 mije, qe bertet qeveria rilindase.

4.Vetem ne tre mujorin e pare te ketij viti fuqia puntore ne bujqesi ka rene me 7.9%, prove shume e qarte qe bujqesia eshte ne veshtiresi serioze.

Faktet flasin vete!

Fermeret vuajne te zitë e ullirit, po ç’taksirat kane te degjojne edhe mashtrimet e Rames.

Sa here qe Rama çfaqet behuni gati te degjoni nje mashtrim me te madh se nje dite me pare.

Dje Rama i beri deklaratat nga Universiteti Bujqesor, ku per fat te keq nuk u degjua asnje ze qe mund te jepte keto fakte kaq te thjeshta dhe te verteta.

Mungese e mjerueshme kurajoje profesionale dhe qytetare nga personeli akademik perballe mashtrimit vulgar te kryeministrit.

Kryeministri njeh vetem bujqesine e droges dhe vetem ate mbeshtet dhe mbi te gjallon.

Me poshte keni te dokumentuara mashtrimet”, shkruan Vasili në postimin e tij./ CNA.al