E fundit!

19:37 Aktualitet

Mbahet protesta e 25-të kundër qeverisë, qytetarët ‘sfidojnë’ shiun

Këtë të mërkurë ka nisur grumbullimi i qytetarëve për prot...

Ndihmës Sekretari Amerikan i Shtetit vjen në Tiranë dhe injoron Metën

1 Korrik 2021, 11:07, Politikë CNA

Ndihmës Sekretari i Shtetit në Detyrë për Çështjet Evropiane dhe Euroaziatike, Ambasadori Philip T. Reeker vizitoi djeTiranën ku u takua me Kryeministrin Rama, Kryetarin e Partisë Demokratike Lulzim Basha, disa prej anëtarëve të verifikuar plotësisht të sistemit të drejtësisë në Shqipëri, si dhe udhëheqës të tjerë.

Përgjatë të gjitha takimeve, zyrtari i lartë amerikan Reeker theksoi rëndësinë e marrëdhënieve SHBA-Shqipëri gjatë 30 viteve të fundit, që kur Shqipëria refuzoi diktaturën komuniste dhe pranoi demokracinë.

Ai nënvizoi vendosmërinë e Presidentit Biden dhe Sekretarit të Shtetit Blinken se lufta kundër korrupsionit, përfshirë përmes përcaktimeve publike për korrupsion madhor sipas Nenit 7031(c) të Departamentit të Shtetit për Operacionet e Jashtme, dhe Programet Përkatëse të Nenit mbi Përvetësimet 2021, është një interes thelbësor i sigurisë kombëtare për Shtetet e Bashkuara.

Ai përgëzoi udhëheqësit e Shqipërisë për suksesin e tyre në mikpritjen e Stërvitjes Defender Europe 21, e cila theksoi rolin strategjik të Shqipërisë në rajon.

Ai mirëpriti rolin e Shqipërisë në rajon dhe në arenën globale, ndërsa Shqipëria merr vendin në Këshillin e Sigurimit të OKB-së.

Mirëpo, ajo çfarë tërheq vëmendjen nga kjo vizitë, është injorimi që i ben Ndihmës Sekretari i Shtetit në Detyrë për Çështjet Evropiane dhe Euroaziatike, Ambasadori Philip T. Reeker Presidentit të shkarkuar nga Kuvendi, pasi ai nuk e takoi Ilir Metën, duke rikonfirmuar edhe një herë qendrimin amerikan ndaj njeriut më të korruptuar në politikën shqiptare.

Mesazhi është i qartë për të gjithë ata që kanë tru në kokë e kuptojn?: Ilir Meta nuk konsiderohet me as formalisht President i Republikës, ndaj dhe nuk është më pjesë e axhendës së takimeve me zyrtarët amerikanë që vijnë në Shqipëri.

Amerikanët janë të vendosur ne luftën kundër korrupsionit dhe do ta ndihmojnë Shqipërinë të çlirohet më në fund nga korrupsioni dhe gjithë të korruptuarit./CNA.al