web counter
LEXO PA REKLAMA!

SHKARKO APP

App Store
Google Play

E fundit!

x

Situata e pandemisë së Covid-19/ Manastirliu jep lajmin e mirë për shqiptarët

1 Korrik 2021, 09:14, Politikë CNA

Ministrja e Shëndetësisë, Ogerta Manastirliu ka raportuar sot në Kuvend, në lidhje me situatën e pandemisë së Covid-19.

Nga foltorja e Kuvendit, ministrja nënvizoi se deri tani janë kryer mbi 986 mijë vaksinime, ndërkohë që shtoi se mbi 400 mijë qytetarë janë plotësisht të vaksinuar.

Manastirliu tha se fushata e vaksinimit masiv do të vijojë edhe gjatë muajve të verës dhe me vaksinimin në shtëpi të atyre se nuk kanë mundësi.

Sa i takon variantit Delta, ministrja nënvizoi se qytetarët duhet të tregohen të kujdesshëm për faktin se është shfaqur në vendet fqinje, por deri tani në vendin tonë nuk ka asnjë rast me këtë variant.

?Përmbyllëm dy ditë të hapura të vaksinimi mbi 25 mijë qytetarë apo vaksinime janë kryer dhe mbi 17 mijë qytetarë janë vaksinuar për herë parë. Janë kryer mbi 986 mijë vaksinime. Po ecim me ritme të mira dhe sa i takon doza të dyta janë mbi 400 mijë qytetarë që janë plotësisht të vaksinuar. Ja kemi dalë që të përmbushim një objektiv të mbërritjes së 1.1 mln dozave.

Sot sjellim në Kuvend për miratim një tjetër marrëveshje për vaksinat Pfizer, nëpërmjet COVAX, nga i cili do të sigurojmë rreth 1 mln e 140 mijë doza vaksinash.  Do të vijojmë një fushatë masive vaksinimi gjatë muajve të verës dhe me vaksinimin në shtëpi të atyre që kanë pamundësi.

Ka një alert që ekspertët referojnë, është alerti për shkka të variantit të ri Delta që është identifikuar edhe në vendet e Rajonit. Është shumë më infektues se variantet e tjera që kanë dominuar deri tani dhe për këtë arsye kërkohet një kujdes maksimal. Ndiqni respeketimin e këshillave të ekspertëve. Në laboratorët tanë nuk është identifikuar asnjë rast me variantin e ri Delta.  E rëndësishme është të mos neglizhojmë asnjë shenjë të sëmundjes.  Do të vijojmë me ditët e hapura të vaksinimit edhe në muajt e verës?-tha Manastirliu./CNA.al





Lajmet e fundit nga