web counter
LEXO PA REKLAMA!

SHKARKO APP

App Store
Google Play

“Duhet rrëzuar një orë e më parë”/ Ish-ministri i Ramës bën thirrjen e fortë

1 Korrik 2021, 12:12, Politikë CNA

Ish-ministri i Drejtësisë në qeverinë ?Rama?, Ylli Manjani deklaron se sistemi zgjedhor në vendin tonë, duhet rrëzuar një orë e më parë.

Në një postim në rrjetet sociale, Manjani thekson se vendimi i djeshëm i Gjykatës Kushtetuese tregon se sa i kalbur është sistemi i llogaritjes së mandateve.

?Vendimi i Gjykatës Kushtetuese për shfuqizimin e herësit si koncept ndarje mandatesh, tregon se sa i kalbur është sistemi i llogaritjes së mandateve.

Herësi është vetëm një aspekt, por e gjithë formula hibride e konkurimit me lista të çilembullura;

shkërmoqjes shvleftësuese të votës nëpër qarqe krejt pa kuptim;

medemek proporcionalitetit që ka efekt maxhoritar;

përçarjes me detyrim të votës kundërshtare me qëllim që kjo të bëhet bonus për njishin, janë elementët e një sistemi të PANDERSHËM, JO PËRFAQËSUES dhe prodhues i demokracisë fallso në vend!

Ky sistem duhet rrëzuar një orë e më parë që ti hapet rrugë përfaqësimit real politik të shqiptarëve. ?-shkruan Manjani.

Sipas tij, edhe në këto zgjedhje shqiptarët nuk kanë votuar qeverisjen moniste, por sistemi e shndërron të parin në të vetmin që sundon! Dhe kjo nuk quhet me demokraci.

?Ndaj PROPORCIONAL të thjeshtë KOMBËTAR është zgjidhja e krizës së përfaqësimit politik.

Këtë nuk do ta thotë Gjykata Kushtetuese, sepse nuk e ka ajo këtë detyrë. Por duhet ta themi e ta kërkojmë të gjithë nëse duam zgjedhje të ndershme dhe përfaqësim real politik të popullit.

Nëse duam që populli të jetë zgjidhësi i krizave politike dhe i pisllëqeve politike, duhet ti kthejmë atij lirinë për të votuar me votë të barabartë në çdo cep të vendit.

PROPORCIONAL KOMBËTAR i thjeshtë dhe ndarje mandatesh vetëm në proprocion me votën që jep populli.

Asnjë bonus.

Kjo është zgjidhja.?përfundon postimin e tij Ylli Manjani./CNA.al





Lajmet e fundit nga