web counter
LEXO PA REKLAMA!

SHKARKO APP

App Store
Google Play

E fundit!

x

Hapja e listave/ Kume: Vendimi i Kushtetueses, shuplakë për ligjvënësit

1 Korrik 2021, 12:50, Politikë CNA

Ish-kreu i KQZ-së, Kristaq Kume, ka komentuar vendimin e Gjykatës Kushtetuese, që për zgjedhjet e ardhshme listat e kandidatëve të jenë 100% të hapura, me shfuqizimin e nenit 163 për herën në Kodin Zgjedhor.

I ftuar në rubrikën ?Opinion? Kume e cilësoi këtë një vendim të mirë që rregullon legjislacionin për hapjen e listave.

Sipas tij, me heqjen e herësit, kandidatët janë të gjithë të barabartë para qytetarëve.

Mes te tjerash Kume theksoi se ky vendim ishte një shuplakë për ligjvënësit.

?Zgjedhësit do të votojnë duke iu dhënë votën parapëlqyesit.. Pasi partisë i thuhet se ti ke fituar 5 mandate, për t?i shpërndarë ato tek 20 kandidatët, ata rirenditen në bazë të votave. Për shpërndarjen e mandateve, pasi përfundon procesi zgjedhor me fytjen e herësit, deformohet procesi. Gjykata e ka hequr këtë deformim. Ky është një zhvillim politik dhe për mua është shuplakë që iu jepet ligjvënësve. Ata ndërtuan një marifet të tillë përmes këtij herësi, i cili tashmë u hoq. I gjithë neni 163 nuk kishte pse të hiqej. Heqja e herësit bënë që ky zhvillim në nivelin kushtetues, të jetë real dhe me produkt. E shoh të vështirë që një vendim i Gjykatës Kushtetuese të ketë veprime prapavepruese. Partitë politike, ose kandidatët, hynë në garë, e ndërtuan këtë garë, duke iu referuar rregullave, siç është ky rregull. Kur ky rregull ndryshon, s?mund të ndryshojnë dhe atributet.?, pohoi Kume./CNA.al





Lajmet e fundit nga