web counter
LEXO PA REKLAMA!

SHKARKO APP

App Store
Google Play

Shkarkimi i Presidentit/ Alfred Moisiu mesazh Metës

26 Qershor 2021, 12:36, Politikë CNA

Ish Presidenti Alfred Moisiu, ka komentuar zhvillimet rreth çështjes së Presidentit Ilir Meta.

Sipas të njëjtit, nëse Gjykata Kushtetuese vendos për shkarkimin e tij, ai duhet të dorëzojë detyrën.

?Parlamenti ka të drejtat e veta, ka argumentet e veta, të cilat i ka parashtruar, sigurisht është hera e parë që ndodh por do të shikojmë çfarë do vendosë gjykata kushtetuese. Unë mendoj që ashtu sikurse e merr detyrën nga Kuvendi edhe duhet ta dorëzosh kur vjen puna për tu dorëzuar?, ka  thënë Moisiu, në një intervistë për Report tv.

Moisiu, thotë se Presidenti duhet të udhëhiqet nga misioni për të qenë përfaqësues i unitetit.

?Presidenti është ai që duhet të bashkojë kombin, është ai që përfaqëson unitetin e kombit dhe kushdo që merr përsipër këtë detyrë duhet ta zbatojë. Kur zgjidhen nga partitë, personalitetet duan s duan do mbrojnë krahun nga i cili vijnë. Nuk është aq e lehtë, unë kam qenë vetë në këtë detyrë, pavarësisht se u zgjodha me konsensus dhe u mundova ta ruaj këtë konsensus në marrëdhëniet me partitë. Sepse ka probleme që politika duhet të jetë e gjitha bashkë dhe nuk mundet që për probleme të të ardhmes së kombit, të fateve të shqiptarëve të ketë pikëpamje të ndryshme. Mirëpo për fat të keq te ne politikanët e ruajnë frymën partiake. Ky është një problem shumë të madh?, u shpreh Moisiu.

Sipas tij, Presidenti duhet të zgjidhet nga populli, pasi politika e ka dëmtuar shumë rolin e tij.

 ?Politika shqiptare në 30 vjet ka patur uljet dhe ngritjet e saj dhe sigurisht që praktika ka treguar se zgjedhja e presidentit si e bëjmë ne nuk është shumë e drejtë, presidenti duhet të zgjidhet nga populli. Sigurisht që kushdo që populli do ta zgjedhë mund të jetë politikan, por përgjegjësia është më e lartë për të përfaqësuar popullin e për zbatuar atë që e detyron  Kushtetuta?, tha Moisiu./CNA.al





Lajmet e fundit nga