web counter
LEXO PA REKLAMA!

SHKARKO APP

App Store
Google Play

BE nuk dha dritën jeshile për Shqipërinë/ Balla justifikon dështimin

24 Qershor 2021, 09:13, Politikë CNA

Shqipëria nuk arriti të marrë një datë për konferencën ndërqeveritare, për celjen e negociatave me BE.

Në lidhje me këtë çështje, ka folur sot edhe Kreu i Grupit Parlamentar të PS-së, Taulant Balla, i cili nga foltorja e Kuvendit, tentoi të justifikojë dështimin, për mos hapjen e negociatave.

Balla deklaroi se fajin për mos hapjen e negociatave e ka vetë BE, dhe jo Shqipëria, e cila sipas tij i ka përmbushur të gjitha kushtet.

?Shqipëria i ka përmbushur të gjitha kushtet për këtë event formal për fillimin zyrtar të bisedimeve për anëtarësim, ku tashmë të gjitha vendet anëtare, edhe ato më skeptiket janë vlerësuese për arritjet e Shqipërisë. Gjithashtu edhe vlerësimi i  Asamblesë Parlamentare të Këshillit të Europës, që vlerëson se procesi zgjedhor i 25 prillit ishte më i miri, tregon se jemi në kushtet e një procesi në ecja të përmbushjes së pritshmërive të BE ndaj Shqipërisë.

Por të mos harrojmë se BE është institucion me një vendimmarje tepër të vështirë. Edhe në këtë sallë nuk do kishim kurrë vendime unanime.  

Kështu edhe atje është e pamundur që për çështje të karakterit të politikës së jashtme të gjendet konsensus unanim.

Shpresa jonë është që Bullgaria dhe Maqedonia ta gjejnë një zgjidhje për këtë çështje.

Pas korrikut të vitit të ardhshëm që vjen, qeveria e re atje të fillojë bisedimet, por kjo nuk ka të bëjë fare me Shqipërinë.

BE duhet ta ndryshojë këtë sistem vendimmarrës ndryshe s’ka për të marrë kurrë vendime?-tha Balla./CNA.al





Lajmet e fundit nga