web counter
LEXO PA REKLAMA!

SHKARKO APP

App Store
Google Play

E fundit!

x

“Mund të vdesësh në çdo moment”/ Gazetari tregon çfarë i ndodhi në mesnatë në Tiranë

25 Qershor 2021, 10:24, Politikë CNA

Aksidenti i sotëm në Vlorë, si pasojë e të cilit u shua një familje prej katër anëtarësh, ka sjellë reagime të shumta në rrjetet sociale, në lidhje me sigurinë rrugore në vendin tonë.

Mes personave që kanë reaguar, është edhe gazetari Klodian Tomorri, i cili tregon edhe një ndodhi personale.

Në një postim në rrjetet sociale, gazetari Tomorri shkruan se mbrëmë rreth mesnatës ka ndeshur të paktën 10 makina, me shpejtësi skëterrë në rrugët e Tiranës, dhe askush nuk i ndalonte.

Sipas tij, shumica janë nga këta ?lacat? apo çunat e baballarëve me makina super të shtrenjta, që në çdo moment mund të shkaktojnë aksidente.

Gjithashtu, ai shkruan se për shkak të këtyre ?lacave? që nuk i ndalon askush, në Shqipëri mund të vdesësh në çdo moment, sado i kujdesshëm të jesh.

?Mbreme, pasi mbyllem emisionin tek Ylli, nga ora 12 isha duke u kthyer ne shtepi. Nga redaksia, qe eshte afer TEG-ut deri afer trenit, mund te kem ndeshur nja 10 makina me shpejtesi sketerre.

Identikiti eshte thuajse i njejte. Shumica jane cerra nga keta cunat e baballareve me makina super te shtrenjta ose laca, qe ecin me shpejtesi edhe brenda rrugeve te qyteteve, ta bejne me drita te futen ne parakalim edhe ne rrethrrotullim. Ato dritat mund edhe te te nxjerrin nga rruga se te verbojne, por nuk eshte ky problemi.

Problemi eshte, i ndalon ndonjehere njeri keta? Se nuk ka mundesi qe ky soj te mos beje shkelje rrugore ashtu si ecin. Kur i ndalojne a u vene masa ndeshkuese?

Nuk e di dmth, por ajo qe di me siguri eshte se ti mund te jesh super i kujdesshem ne makine, por ne Shqiperi mund te vdesesh ne cdo moment. Per shkak te ketij soji.?-shkruan Klodian Tomorri./CNA.al





Lajmet e fundit nga