web counter
LEXO PA REKLAMA!

SHKARKO APP

App Store
Google Play

Përfundon Defender-Europe 21/ Ambasada e SHBA tregon si nisi stërvitja në Shqipëri

26 Qershor 2021, 17:46, Aktualitet CNA

Forcat amerikane janë në procesin e rishpërndarjes në Shtetet e Bashkuara, ndërsa aktivitetet Defender-Europe 21 në të gjithë Evropën po mbyllen.

Lidhur me këtë lajm ka reaguar Ambasada amerikane në Tiranë, duke qenë se sot është përmbyllur stërvitja edhe në Shqipëri.

Ambasada e SHBA kujton se Defender-Europe 21 nisi në bregun e Portit të Durrësit, ku Anija Detare Bob Hope shkarkoi pajisje të rënda në anije më të vogla, të cilat e transferuan ngarkesën në breg për vijuar më tej operacionet.

?Defender-Europe 21 nisi në Shqipëri me ekzekutimin e operacioneve të përbashkëta logjistike nga deti në breg në Portin e Durrësit. Gjatë operacionit, Anija Detare e Shteteve të Bashkuara Bob Hope, anija më e madhe strategjike transportuese e SHBA, shkarkoi mbi 1000 pajisje të rënda në anije më të vogla, të cilat e transferuan ngarkesën në breg për vijuar më tej. Kjo ishte hera e parë që operacione të përbashkëta logjistike nga deti në breg ekzekutoheshin në Evropë që prej Luftës së Dytë Botërore. Ndërsa aktivitetet e Defender-21 në të gjithë Evropën po vijnë drejt mbylljes, mësoni më shumë se si Shtetet e Bashkuara, aleatët e NATO-s dhe partnerët punuan së bashku përgjatë kësaj stërvitjeje vjetore shumëkombëshe të përbashkët e në shkallë të gjerë?, thuhet në deklaratën e ambasadës amerikane./ CNA.al





Lajmet e fundit nga