web counter
LEXO PA REKLAMA!

SHKARKO APP

App Store
Google Play

Vetëm 2 nota 10 në testin e Matematikës/ Ka dështuar arsimi apo provimi?

26 Qershor 2021, 08:04, Aktualitet CNA

Dje u publikuan notat e testit të Matematikës, nga ku u panë rezultatet shumë të ulëta të maturantëve.

Shifrat e mëposhtme e dëshmojnë këtë.

Ky nivel rezultatesh çfarë përfaqëson?

Është niveli me të cilin po përgatit shkolla jonë maturantët, apo ishte thjesht faji i testit?

Në rastin më të mirë, mësimi online ka rezultuar një dështim masiv si në arsimin publik ashtu edhe në atë privat.

Mësim nuk patur. Dhe as kontroll sigurisht.

Dje ministria shpërndau shifra të rezultateve “të larta” në testin e Matematikës, duke u rrekur të tregojë që kishte nota 10-a me shumicë.

E vërteta është ndryshe. Ministrja premtoi që do ulte pragun e vlerësimit të notave, ndërkohë që drejtoresha e QSHA deklaroi që pragun do e shihte ajo, pasi të dilnin rezultatet e korrigjimeve.

Dhe pastaj vrapuan të deklaronin që më shumë se 1.800 maturantë u vlerësuan me notën 10, ndërkohë që “nota 10” në diplomë vendoset vetëm për rastet e vlerësuara me 10.00.

Sa kohë që nuk u publikua mënyra e re e vlerësimit që u pretendua nga Ministria e Arsimit dhe as pragjet e reja, atëhere e gjitha rezulton të ketë qenë mashtrim.

Sipas tabelës së publikuar:

Nga nota 4 deri në 4.99 janë 7.611 maturantë. Nga këta 3.018 janë nga 4.00 deri tek nota 4.5 që konsiderohen ngelësa.

Nga nota 5 deri tek 5.99 rezultojnë 8.489 maturantë.

Nga 6 deri tek 6.99 rezultojnë 7.399 maturantë.

Nga 7 deri tek 7.99 rezultojnë 4.432 maturantë.

Nga nota 8 deri tek 8.99 rezultojnë 2.268 maturantë.

Nga 9 deri tek 9.99 rezultojnë 2.506 maturantë.

10.00 kanë marrë vetëm dy maturantë.

Teza me gjith hallet e veta,beti e pandryshuar.

Sic mbeti i pandryshuar mentaliteti prej skuthësh i QSHA. Kjo do të thotë që vitin tjetër do kemi prap protesta maturantësh!

Me siguri vitin tjetër në protestë do dali edhe vetë Turi familjarisht./ CNA.al





Lajmet e fundit nga