web counter
LEXO PA REKLAMA!

SHKARKO APP

App Store
Google Play

E fundit!

x

Ishin nisur drejt plazhit, përfunduan në parajsë/ Një ëngjëll pret te porta dy motrat e vogla

25 Qershor 2021, 10:57, Aktualitet CNA

Gazetari Bledi Mane ka reaguar në lidhje me ngjarjen e rëndë që ndodhi sot në Vlorë, ku një familje prej katër anëtarësh, humbën jetën si pasojë e një aksidenti tragjik.

Në një postim në rrjetet sociale, gazetari Mane shkruan se një kriminel, një gangster shpejtësie, mori katër jetë të pafajshme.

Ndërsa, personi që shkaktoi aksidentin, është gjallë, dhe sipas tij po bën gati sa lekë do i japë policit, prokurorit dhe gjykatësit.

?Një prej nesh, një kriminel, një gangster shpejtësie dhe pakujdesie përplasi me makinën e tij, një makinë të pafajshmish.

Familja Gushi sot u shua krejtësisht. Në fillim vdiq vajza e vogël Eva 9 vjeçe, motra tjetër 14 vjeçe Anastasia mbylli sytë e dyta, i treti dha shpirt babai Eduarti 44 vjeç dhe në fund vdiq me merakun e të treve nëna, Silvana 33 vjeçe.

Udhëtimi me makinën e tyre ndaloi, por edhe udhëtimi i familjes drejt parajsës ndaloi. Te shkallët e hyrjes një ëngjëll i purpurt klithte e bërtiste:

-Kush i solli kaq shpejt këto dy vogëlushet e pafajshme në parajsë?

Ndërkohë mbi tokë gangsteri që i vdiq është gjallë dhe po bën gati sa lekë do i japë policit, prokurorit dhe gjykatësit…?-shkruan Bledi Mane.





Lajmet e fundit nga