web counter
LEXO PA REKLAMA!

SHKARKO APP

App Store
Google Play

Rihapet tenderi për tunelin e Llogarasë/ Ja kur është afati i fundit për paraqitjen e ofertave

24 Qershor 2021, 15:08, Aktualitet CNA

Pas tre muaj pezullim, qeveria ka vendosur të rihapë tenderin për ndërtimin e tunelit të Llogarasë.

Në mars të 2021 tenderi për këtë aks u anulua, duke përjashtuar të 6 kompanitë që morën pjesë pasi nuk plotësonin dokumentacionin e duhur.

Ministria e Infrastrukturës dhe Energjisë ka publikuar dokumentet standarde të tenderit për procedurën e hapur të punëve publike për tunelin e Llogarasë.

Fondi limit është 18.9 mld lekë ose 153 milion euro dhe ofertat për shoqëritë e interesuara do të priten deri më 28 korrik dhe nëse nuk do të ketë ankesa pritet që punimet për këtë vepër të nisin në fund të vitit.

Tuneli i Llogarasë do të jetë i gjatë 5.9 kilometra dhe do të lidhet në hyrje dhe dalje të tij me dy ura, nga 110 dhe 40 metra të gjatë.

Sipas llogaritjeve, duke kaluar përmes tunelit prej 6 km, me një shpejtësi 50-80 km/orë, do të bënte që kjo rrugë të përshkohej për 7-10 minuta./CNA.al





Lajmet e fundit nga