Kryebashkiaku i Rilindjes në lupën e SPAK/ Në sitë tenderat korruptive

26 Qershor 2021, 09:54, Aktualitet CNA

Zyrtarët e Rilindjes të dyshuar për korrupsion, nuk janë perceptim, por ata kanë emër dhe mbiemër.

Njëri prej tyre rezulton të jetë kryetari i Bashkisë Belsh, i cili është kallëzuar në Strukturën e Posaçme Antikorrupsion, në muajin Mars të këtij viti.

Në sitën e SPAK, mësohet se ka një dosje për tjetërsimet e pronave, të cilat kundrejt ryshfetit me klanin e Hipotekës së Elbasanit, ua kanë shitur biznesmenëve nga Tirana dhe Elbasani.

Tafani në SPAK për një megavjedhje

Kryetari i bashkisë Belsh Arif Tafani është kallëzuar në ?SPAK? për një mega vjedhje, e cila është kryer hapur në mënyrë korruptive në bashkpunim me disa subjekte tregtare të cilat ushtrojnë aktivitetin e tyre tregtar në këtë qytet.

Ky ishte lajmi që biro xhiro në media në Mars të këtij viti, pak para se të mbaheshin zgjedhjet parlamentare.

Në media është raportuar, se kryetari i Bashkisë Belsh Arif Tafani ka vjedhur qytetarët, duke favorizuar biznesmenë të caktuar dhe ndaj është kallëzuar në ?SPAK? nga disa qytetarë të, cilëve u janë prishur pa të drejtë banesat e tyre, për të ndërtuar pallate.

Kryetari i bashkisë Belsh Arif Tafani, dyshohet se ka dorë edhe në një mega vjedhje që ka të bëjë me zbatimin e projektit ?Ansamblit Rilindja Urbane Belsh?.

Ky projekt, raportohet se nuk ka ekzistuar ndonjëherë, por nga ana e Kryetarit të bashkisë Belsh, Arif Tafani, është ndërtuar dhe është zbatuar sipas interesave klienteliste të tij.

Kujtojmë se kryebashkiaku i Belshit, ka qenë denoncuar edhe më herët në organin e akuzës, përkatësisht në Prokurorinë e Elbasanit

KLSH e kallëzoi në Prokurori që në vitin 2018

Ka qenë Kontrolli i Lartë i Shtetit, që me shkresën nr. 6/12 dhe 6/13 datë 22.05.2018 ka denoncuar Tafanin dhe disa zyrtarë të tij në Prokurorinë e Elbasanit për ?Shkelje e barazisë së pjesëmarrësve në tender apo ankande publike? dhe për ?Shpërdorim të detyrës?.

KLSH, gjatë auditimit financiar të Bashkisë Belsh konstatoi, se për shkak të veprimeve korruptive, shtetit i ishte shkaktuar një dëm financiar prej 80 milionë lekësh.

?Gjatë auditimit u konstatuan shkelje dhe parregullsi të dispozitave ligjore në fushën e prokurimit publik, kryesisht në përzgjedhjen e procedurës së prokurimi, vlerësimin e ofertave ekonomike duke vepruar me dy standarte vlerësimi, zbatimin e investimeve etj?, thuhet në njoftimin e KLSH të vitit 2018.

S?dihet se çfarë ka ndodhur me këto hetime, ku kanë ngecur dhe përse nuk ka transparencë.

Gjetjet e KLSH

Për 10 procedura të prokurimit dhe 4 procedura të zbatimit të punimeve dhe konkretisht ?Shtesë kontrate për Projektin Rilindja Belsh (Belsh Qendër-Kryqëzimi Qafeshkallë)?, ?Projekti Ansambli Rilindja?, ?Ndërtim i Pedonales dhe Korsisë së Biçikletave Liqeni Belsh?, ?Sistemim Asfaltim Rruga Belsh-Qafë Shkallë?, ?Ndërtim, Sistemim Asfaltim Rruga Trojas (Unaza Belsh)?, ?Rikualifikimi urban i fasadave të Qëndrës Belsh?, ndër shkeljet kryesore janë:

Në 8 (tetë) tendera për kualifikikim dhe shpalljen fitues pa drejtë të operatorë ekonomik të cilët nuk plotësojnë kriteret e vendosura në DST, duke mos garantuar kryerjen me cilësi e sukses të kontratës, me pasojë përdorim të fondeve publike për investime, pa ekonomicitet, efiçencë dhe efektivitet në vlerën totale 286,080,460 lekë, në kundërshtim me kërkesat ligjore si dhe në shkelje të parimit të barazisë para ligjit.

Në 3 (tre) tendera për dëmin ekonomik në vlerën 11,403,571 lekë, shkaktuar si rezultat i diferencës ndërmjet vlerës së ofertës të operatorit ekonomik të kualifikuar padrejtësisht (me vlerë më të lartë) dhe vlerës së ofertës të operatorit ekonomik të skualifikuar padrejtësisht (me vlerë më të ulët), duke sjellë shpenzimin e më shumë fondeve buxhetore, skualifikim të padretjë, dhe shpallje fitues të OE të cilët nuk kanë plotësuar DST-të.

Në 1 (një) rast të lidhjes të shtesë kontratës, pa ekzistuar rrethana ligjore për kryerjen e punimeve nëpërmjet shtesës kontratës, duke bërë devijimin e procedurave të prokurimit, kontraktuar subjektin pa zhvilluar procedura, mos lejuar pjesëmarrjen e operatorëve dhe nxitjen e konkurrencës ndërmjet tyre, mos sigurimin e transparencës për përzgjedhjen e operatorit pasi tenderi nuk është hedhur në sistemin e APP dhe fituesi nuk ka dalë si rrjedhojë e konkurimi

Në 4 (katër) investime publike për dëmin ekonomik në vlerën 40,395,547 lekë shkaktuar nga diferenca në volume pune të situacionuara dhe likuiduara por të pakryera në fakt (për 38 zëra punimesh).

Në 1 (rast) për dëmin ekonomik në vlerën prej 23,917,140 lekë, nga likuidimi i punimeve të kryera jo sipas specifikimeve teknike të projektit, preventivit dhe termave të referencës të DST, duke lejuar sipërmarrësin që gjatë zbatimit të investimit të përdorë materiale të ndryshme nga ato të kontraktuara, në ndryshim nga projekti dhe në kushtet kur materiali i përdorur është paguar për të njëjtin lloj materiali si në kontratë, edhe pse me diferencë të konsiderueshme në çmim./CNA.al