Analiza/ Pse Basha vendosi objektivin 707 mijë vota

22 Qershor 2021, 08:42, Politikë CNA

Dy ditë më parë, CNA.al publikoi të dhëna ekskluvize, që tregonin dështimin e drejtuesve politik, të Lulzim Bashës, në zgjedhjet e 25 prillit 2021.

Sipas tabelës më poshtë, ekipi i Lulzim Bashës ka arritur të sjellë rreth 85 mijë vota më pak, sesa objektivi i caktuar nga kreu i PD.

CNA.al ka raportuar me shifra të sakta të nxjerra nga zyra e Lulzim Bashës, të konfirmuara zyrtarisht nga PD dhe KQZ, ku objekti është rreth 707 000 vota, ndërsa rezultati i arritur është rreth 620 000 vota.

Pra, ata që u trumbetuan fort nga Lulzim Basha si kapital politik, në fakt dështuan, duke i siguruar kështu Partisë Demokratike, një katastrofë elektorale, në shumicën e qarqeve.

Por, një tjetër detaj që tregojnë shifrat, është fakti se me objektivin e vendosur, prej 707 000 vota, duket qartë se Lulzim Basha ka dashur të jetë fitues i vetëm, pasi me 71 mandate do ta kishte më të lëhtë qeverisjen me LSI dhe do ishte më i sigurtë.

Pra, Lulzim Basha ka qënë i qartë, ka kërkuar 707 000 vota, për të arritur në 70-71 mandate, por drejtuesit e tij politik dështuan. (Lexo këtu).

Dështimet më të mëdha i kanë Ervin Salianji, Edmond Spaho, Edi Paloka, Grida Duma, Helidon Bushati, Bujar Leskaj, Tritan Shehu etj.

Pra, përtej cdo qëndrimi se Lulzim Basha nuk donte të fitonte këto zgjedhje apo ishte vasal i Ramës, në obkjektivat që ka kërkuar është i qartë. Ai ka kërkuar mbi 70 mandate nga të tijët.

Dhe po ti shohësh rezultatet me analizë, objektivat e vendosura janë totalisht realiste.

Në vitin 2013, PD bashkë me aleatët siguroi rreth 690 mijë vota, sot pas tetë vitesh kërkoi 707 000 vota, duke shtuar edhe dy aleate, PBDNJ që ka qënë afërsisht 15 mijë vota dhe PAA-në e Agron Dukës, që pretendohet të jetë mbi 10 mijë vota.

Pra me një mbledhje të thjeshtë aritmetike Basha ka marrë rezultatin e 2013-ës, i ka shtuar PAA dhe PBDNJ dhe ka kërkuar 707 000 vota, megjithëse duhej të kërkonte 730 000.

Sipas përllogaritjeve, me mbi 707 000 vota pushteti ishte i garantuar.

Por të lodhurit dhe dështuarit e Bashës nuk mundën të shkonin mbi 622 265 vota. Pra, 80-90 mijë vota poshtë objektivit. Mbi 15% e votave të kërkuara nga Lulzim Basha mungojnë.

Gjithçka është lehtësisht e lexueshme nga shifrat që CNA.al i ka siguruar nga zyra e Lulzim Bashës.

Objektivat janë të qarta, çdo përllogaritje e gabuar në shifra nuk ndikon në mandate.

Janë arritur vetëm 622 265 vota, dhe ky është fakt.

Objektivi ishte, por drejtuesit politik të Lulzim Bashës dështuan duke sjellë një rezultat që përtej asaj që ai e quan ?masakra zgjedhore?, duhet të quhet masakra e dështimit të drejtuesve të tij politik./CNA.al

Të gjithë dështakët e “fitores” së Lulzim Bashës

Analiza-Objektivat dhe dështimi i Bashës/ Zgjedhjet, leksion për demokratët

Si dështuan Spaho dhe Salianji në Korçë

TABELA me shifrat sipas objektivave të Bashës/ 15 drejtues politikë dështuan, ja emrat dhe qarqet