E fundit!

14:34 Aktualitet

Edmond Spaho: Edi Rama nuk duhet të japë dorëheqjen

Ish-nënkryetari dhe ish-deputeti i Partisë Demokratike, Ed...

Rama zgjedh Durrësin/ A do mund PS të çertifikojë Tit Vasilin deputet?

21 Qershor 2021, 16:26, Politikë CNA

Kryeministri Edi Rama ka marrë mandatin e deputetit për qarkun e Durrësit.

Në zgjedhjet e 25 Prillit Edi Rama kandidoi në qytetin e Durrësit dhe të Vlorës, duke u renditur në të dyja qarqet i teti në listë.

Duke pranuar mandatin e Durrësit, ai la atë të Vlorës.

Pas tij në listën shumëemërore të qytetit jugor renditet Teuta Ramaj.

Por a do të jetë Teuta Ramaj emri që do të ulet në Kuvend në shtator, për përfaqësuar qytetarët e Vlorës?

Për të zbuluar këtë na duhet të verifikojmë votat preferenciale të marra nga kandidatët e zonës jofituese në qarkun e Vlorës.

Sipas Kodit Zgjedhor:

Kandidatët e listës jo fituese duhet te rirrjeshtohen në një rradhë sipas votave që kanë marrë.

Kështu pasi kryetari i partisë zgjedh mandatin që do të mbajë, mandati në zonën jo-fituese i shkon kandidatit që ka më shumë vota, siç rezulton nga ri-rrjeshtimi.

Sipas tabelës zyrtare nga faqja e KQZ, të votave në qarkun e Vlorës, janë dy kandidate që kanë marrë numër të barabartë të votave në zonën jofituese në Qarkun Vlorë.

Teuta Ramaj dhe Laura Ferati kanë marrë numër të barabartë votash = 1738.

Çfarë do bëjë PS?

Nëse PS pranon që mandati takon Teuta Ramaj, atëherë po çertifikon Petrit Vasilin deputet.

Kodi thotë që mandatin e merr kandidati që ka numër më të lartë të votave. Në rast votash të barabarta, mandati ndahet nga shorti.

Teuta Ramaj mund të dalë fituese sidoqoftë. Per këtë duhet ta ndajë shorti.

Nëse Teuta Ramaj zgjidhet pa short, atëherë Partia Socialiste po nxjerr Petrit Vasilin deputet. Pa short!

Zgjedhja pa short e Teuta Ramaj nga lista jofituese në Vlorë, plotëson skemën e Kryemadhit për zgjedhjen e Tit Vasilit në Tiranë.

Sipas Kodit zgjedhor, mandati i lëshuar nga Monika Kryemadhi i shkon Klajda Gjoshës.

Kurse mandati i lëshuar nga Rama në Vlorë ndahet nga shorti midis Teuta Ramaj dhe Laura Feratit.

Tit Vasili bëhet deputet, bëse Teuta Ramaj bëhet deputete pa short.

PS do zgjedhë shortin apo do zgjedhë të bëjë Tit Vasilin deputet?/CNA.al