web counter
LEXO PA REKLAMA!

SHKARKO APP

App Store
Google Play

Raporti i Asamblesë së Këshillit të Europës/ Balla: Zgjedhjet e 25 prillit u vlerësuan pozitivisht

21 Qershor 2021, 18:56, Politikë CNA

Raporterët e Asamblesë Parlamentare të Këshillit të Europës kanë vlerësuar pozitivisht zgjedhjet e 25 prillit në Shqipëri, ku u konfirmua në qeveri Edi Rama dhe Lulzim Basha me Monika Kryemadhin mbetën sërish në opozitë.

Për këtë lajm ka reaguar kreu i grupit parlamentar të PS-së Taulant Balla, i cili ka publikuar një pjesë të raportit.

Në të thuhet se votimi ishte i qetë, i sigurt, brenda kornizave ligjore dhe transparent. Në raport zgjedhjet cilësohen si më të mirat të mbajtura ndonjëherë pas periudhës së tranzicionit.

?Zgjedhjet e 25 Prillit në Shqipëri marrin vlerësim tejet pozitiv nga raporterët e Asamblesë Parlamentare të Këshillit të Europës, e cila mbështet gjithashtu përmes deputetëve të vendeve anëtare të BE mbajtjen e menjëhershme të Konferencës së Parë Ndër-Qeveritare BE-Shqipëri????.

Raporti i PACE vlerëson se:

Votimi ishte i qetë, i sigurtë dhe korniza ligjore siguron respektin e lirive themelore dhe është një bazë e përshtatshme për zgjedhjet demokratike. 

Reformimi i Komisionit Qëndror të Zgjedhjeve, si një institucion i mirëorganizuar dhe transparent.

Zbatimi i teknologjive të reja si identifikimi dhe votimi elektronik forcoi besimin e procesit zgjedhor.

Ecuria e fushatës, votimit dhe numërimit treguan se këto janë zgjedhjet më të mira të mbajtura ndonjëherë pas peridhës së tranzicionit.

Përfaqësimi gjinor u vlerësua në mënyrë të drejtpërdrejtë dhe prioritare: 35% e Kuvendit do të jenë gra. 

Raporti thekson se Qeveria Shqiptare PËRMBUSHI angazhimet e saj në mbajtjen e zgjedhjeve:

Paqësore

Të barabarta

Të lira dhe të ndershme, në përputhje me standartet e përparuara?, shkruan Balla./ CNA.al





Lajmet e fundit nga